كۆمبوونەكا تایبەت ل دۆر هاتنا مەها رەمەزانا پیرۆز هاتە كرن
د. عەلی تەتەر، پارێزگارێ دهۆكێ ب ئامادەبوونا ئیسماعیل محەمەد ئەحمەد، دەڤەردارێ دهۆكێ و د. ناسح محەمەد، رێڤەبەرێ گشتی یێ ئەوقافێ دوهی 26/2/2025 سەرپەرشتیا كۆمبوونەكا تایبەت ل گەل چەندین رێڤەبەرێن فەرمانگەهێن پەیوەندیدار ل دۆر هاتنا مەها رەمەزانا پیرۆز كر.
د كۆمبوونێ دا بەحسێ هاتنا مەها رەمەزانا پیرۆز و پێگیریا وەلاتیان ب رێنومایێن گشتی یێن رێزگرتنێ ل ڤێ مەها پیرۆز ب گشتی هاتە كرن.
پارێزگارێ دهۆكێ د كۆنگرەكێ رۆژنامەڤانی دا دوپاتكر كو مەها رەمەزانێ مەها خێر و بەرەكەت و هاریكاری و عیبادەتی یە و خواست هەموو وەلاتی رێزێ ل ڤێ مەهێ بگرن و هاریكاریا هەژار و دەستكورتان بكەن و پێگریێ ب رێنومایێن گشتی یێن رێڤەبەریا ئەوقافێ و كارگێریا پارێزگەهێ بكەن.
