كۆمبوونەك ل دۆر گێڕانا ئاهەنگێن نەورۆزێ و جەژنا رەمەزانێ هاتە كرن
د. عەلی تەتەر، پارێزگارێ دهۆكێ دوهی 18/3/2025 سەرپەرشتیا كۆبوونا لیژنا ئەمنی ژ بۆ دیاركرنا رێكارێن گێڕانا ئاهەنگێن نەورۆزێ و جەژنا رەمەزانا پیرۆز كر.
د كۆمبوونێ دا ب ئامادەبوونا ئیسماعیل محەمەد ئەحمەد، دەڤەردارێ دهۆكێ و زبێر عەبدوللا، نوونەرێ لقێ ئێك و چەندین رێڤەبەریێن پەیوەندیدار بەحسێ بەرهەڤەیێن كارگێریا پارێزگەهێ و رێڤەبەریێن پەیوەندیدار بۆ رێكخستن و ئەنجامدانا ئاهەنگێن نەورۆزێ و جەژنا رەمەزانا پیرۆز ل سنوورێ پارێزگەها دهۆكێ هاتە كرن.
پارێزگارێ دهۆكێ نەورۆز و سەرسالا نوو یا كوردی و جەژنا رەمەزانا پیرۆز ل هەموو خەلكێ كوردستانێ و پارێزگەها دهۆكێ پیرۆزكر و گرنگیا هەردو هەلكەفتا بەرچاڤكر و دوپات كر كو دڤێت دەزگەهێن ئێمناهیێ و یێن رەوشەنبیری و جەماوەری رێكارێن پێدڤی وەربگرن بۆ وێ یەكێ بەرنامەیێن هەردو هەلكەفتان ب ئارامی بهێنە سازكرن.
پارێزگارێ دهۆكێ گۆت: «ئاهەنگێن نەورۆزا ئەڤ سالە ژی وەكو هەر سال ب رەنگەكێ شارستانی دێ هێنە ئەنجامدان، ئاگر ژی ل جهێن دەستنیشانكری دێ هێنە هەلكرن و دڤێت ژینگەها دەڤەرێ و ساخلەمیا گشتی یا وەلاتیان بهێنە پاراستن».
بریار ئەوە ل دەمژمێر نەهی شەڤا 20ل سەر 21 مەها ئادارێ ئاگرێ نەورۆزێ ل پاركا نەورۆز ل سەنتەرێ دهۆكێ و ل سەرێ كێلیا شەدا بهێتە هەلكرن و ستران و سرودێن نیشتمانی بهێنە پێشكێشكرن.
