كۆمسیۆن دێ 50 هزار كامیرەیان ل بنگەهێن دەنگدانێ دانیت
كۆمیسیۆنا بلندا سەربخوە یا هەلبژارتنێن ئیراقێ ب مەرەما چاڤدێریكرنا پرۆسەیا هەلبژارتنێن جڤاتا پارێزگەهان، كو بڕیارە ل دووماهیا ئەڤ سالە بهێنە كرن و بۆ جارا ئێكێ دێ نێزیكی 50 هزار كامیرەیێن چاڤدێریێ ل ناڤەندێن دەنگدانێ و تۆماركرنا دەنگدەران دانیت.
جومانە غەلای، پەیڤدارا كۆمیسیۆنا بلندا سەربخوە یا هەلبژارتنێن ئیراقێ گۆت: «داكو شەفافیەت د هەلبژارتنان دا هەبیت، بۆ جارا ئێكێ نێزیكی 50 هزار كامیرەیێن چاڤدێریێ ل ناڤەند و وەستگەهێن دەنگدانێ دی هێنە دانان».
ناڤهاتیێ گۆتژی: «حەفت هزار ناڤەند و 40 هزار وەستگەهێن دەنگدانێ ل ئیراقێ هەنە، دو كامیرە ل هەر ناڤەندەكا تۆماركرنا دەنگدانێ و كامیرەك ل هەر ناڤەندەكا دەنگدانێ دێ هێتە دانان».
