كۆمسیۆن: سوباهی بانگەشەیا هەلبژارتنێن جڤاتا نوونەرێن ئیراقێ دێ دەستپێكەت
پەیڤدارا كۆمسیۆنا بلند یا سەربخوە یا هەلبژارتنان ل ئیراقێ راگەهاند: ل رۆژا چارشەمبی 1/10/2025 جڤاتا كۆمسیاران یا سەر ب كۆمسیۆنێڤە كۆمبوو و تێدا ب فەرمی رۆژا ئێكێ یا بانگەشەیا هەلبژارتنێن جڤاتا نوونەرێن ئیراقێ دیاركر، كو ل رۆژا ئەینی 3/10/2025 دێ دەست پێ كەت.
جومانە غەلای، پەیڤدارا كۆمسیۆنا بلند یا سەربخوە یا هەلبژارتنان ل ئیراقێ گوت» جڤاتا كۆمسیاران ل كۆمسیۆنا بلند یا سەربخوە یا هەلبژارتنان ل ئیراقێ كۆمبوونەك ئەنجامدا و تێدا لیستا ناڤێن بەربژاران بۆ هەلبژارتنێن جڤاتا نوونەرێن ئیراقێ پەسەندكر».
جومانە غەلای، هەروەسا ئەوژی ئاشكراكر» هەر د كۆمبوونێدا جڤاتا كۆمسیاران بڕیار دا كو هەوا بانگەشەیا هەلبژارتنێن جڤاتا نوونەرێن ئیراقێ ل رۆژا ئەینی 3/10/2025 دەست پێ بكەت».
بڕیارە هەلبژارتنێن جڤاتا نوونەرێن ئیراقێ ل 11/11/2025 بهێنە ئەنجامدان و دەمەكێ درێژە ژی كۆمسیۆنا بلند یا سەربخوە یا هەلبژارتنان ل ئیراقێ بەرهەڤییان بۆ ئەنجامدانا وان هەلبژارتنان دكەت.
