كۆمپانیێن راپرسیان: ئه‌ردۆغان نابیته سه‌رۆك كۆمارێ توركیا
ئه‌ڤرۆ:
چه‌ندین كۆمپامیێن راپرسیان ل توركیا ئه‌نجامێن راپرسیێن خوه بۆ رایا گشتی ئاشكرا كرن و راگه‌هاندن كو ژ به‌ر قه‌یرانا ئابووری و شه‌رێ نها ل سووریێ وه‌لاتیێن توركیا ژ ده‌ستهه‌لاتا نها بێزار بووینه و هه‌كه نها ل توركیا هه‌لبژارتنێن سه‌رۆك كۆماریێ برێڤه بچن ٥٠% خه‌لكی پشته‌ڤانیێ ل ئه‌ردۆغانی ناكه‌ن، چونكو وه‌لاتی وه‌سا دبینن ژ به‌ر شه‌رێ ل سووریێ و سیاسه‌تا شاش یا ده‌رڤه یا حوكمه‌تێ، توركیا تووشی قه‌یرانه‌كا مه‌زن یا ئابووری هاتیه و ئه‌ردۆغانی وه‌كو كه‌سێ ئێكێ ژ ره‌وشا نها یا خراب به‌رپرس دبینن و ژ به‌ر هندێ ژی هه‌كه نها ل توركیا هه‌لبژارتن بهێنه كرن پرانیا خه‌لكی ده‌نگێ خوه ناده‌نه ئه‌ردۆغانی.
كۆمپانیێن راپرسیان هه‌روه‌سا دیار دكه‌ن كو پرانیا گه‌نجێن كو نها مافێن وان یێ ده‌نگدانێ هه‌یه ده‌نگێ خوه ناده‌نه ئاكپارتیێ و ئه‌ردۆغانی، گه‌نج ژ سیسته‌مێ نها یێ ژیانێ ل توركیا رازی نینن و پشته‌ڤانیێ ل پارتێن ئۆپۆزسیۆنێ دكه‌ن.
سه‌رۆك كۆمارێ توركیا ره‌جه‌ب ته‌یب ئه‌ردۆغان ژی نه‌رازیبوونا خوه ل هه‌مبه‌ر راپرسیێن نها ل توركیا دیار كر و راگه‌هاند كو باوه‌ریا وی ب وان راپرسیان ناهێت، چونكو خه‌لكێ توركیا نها ژی پشته‌ڤانیێ ل ئاكپارتیێ دكه‌ن، ئاكپارتیێ گه‌له‌ك كارێن مه‌زن بۆ توركیا كرینه و پارتێن ئۆپۆزسیۆنێ نه‌شێن خزمه‌تا خه‌لكی بكه‌ن.
