كۆمێن چه‌كدار به‌رهه‌ڤیان بۆ ئێرشێن مه‌زن دكه‌ن
ئه‌ڤرۆ، سه‌رجان مه‌حمود:
پشتی ده‌ستپێكرنا كۆمبوونێن د ناڤبه‌را توركیا و سووریێ دا، كۆمێن چه‌كدارێن سه‌ر ب توركیا ل عه‌فرینێ، ئدلبێ و بابێ هێزێن خوه كۆم دكه‌ن و خوه ئاماده دكه‌ن ئێرشه‌كا به‌رفره‌ه بكه‌نه سه‌ر هێزێن كوردی ل تل رفعه‌ت و منبجێ و د هه‌مان ده‌می دا دخوازن ل باژێرێ حه‌له‌بێ ژی ئێرشی هێزێن رژێما ئه‌سه‌دی بكه‌ن.
د ڤێ مژارێ دا فه‌رماندارێن كۆمێن چه‌كدارێن ئه‌لنوسرا و ته‌حریر شام ل سه‌ر تۆرێن جڤاكی داخۆیانیێن جودا جودا به‌لاڤ كرن و راگه‌هاندن كو ئه‌و به‌رهه‌ڤیان بۆ ژناڤبرنا رژێما ئه‌سه‌دی دكه‌ن.
ل ئالیێ دی فه‌رمانداره‌كێ كۆمێن چه‌كدارێن سه‌ر ب توركیا دیار كریه كو ئه‌و ب توندی كۆمبوونێن د ناڤبه‌را توركیا و رژێما ئه‌سه‌دی دا ره‌ت دكه‌ن، چونكی توركیا دڤێت ژ بۆ به‌رژوه‌ندیێن خوه وان بكار بینیت و ئه‌و دێ ئێرشی هێزێن سووریێ كه‌ن، چونكی هه‌تا رژێما به‌شاری ژناڤ نه‌چیت ره‌وشا سووریێ ئارام نابیت و ئه‌و ب چو ره‌نگه‌كێ ژی به‌رهه‌ڤ نینن دانوستاندنان ل گه‌ل رژێما به‌شاری بكه‌ن.
