كۆنفرانسێ شەشێ یێ لالشێ بۆ ئاشتی و پێكڤەژیانێ هاتە گێڕان
دلڤین رەشید:
كۆنفرانسێ لالش بۆ ئاشتی و پێكڤەژیانێ ب دەستپێشخەریا ژنێن سەركردە و گرۆپێ ئاشتی و رێكخراوا ئێمە ژ بۆ گەشەپێدانا مرۆڤی ب مەرەما دانانا پلانەكێ ژ بۆ بیرئینانا ئاشتی د دیدا ژنان دا و كێمكرنا كاریگەریێن وێ جینۆسایدا داعشێ ب سەرێ پێكهاتێن ئیراقێ و كوردستانێ ب تایبەتی ئێزدیان ل سالا 2014 ئینای.
بەهار عەلی، بەرپرسا رێكخراوا ئێمە بۆ گەشەپێدانا مرۆڤی بۆ رۆژناما ئەڤرو دیار كر، پشتی بۆرینا دەه سالان، هێشتا چارەنڤیسێ ب سەدان ژن و كچێن ئێزدی دیار نینە، كو ژ لایێ داعشێ ڤە هاتبوونە رەڤاندن، هەژمارا رەڤاندیان ب گشتی شەش هزار و 417 كەسبوون، ژ وانا سێ هزار و 576 هاتینە رزگاركرن، نوكە ژی هەژمارەكا زۆر یا ژن و كچان د بێ سەروشوونن، ئەڤ رەنگە كریارە ب تاوان دژی مرۆڤاتیێ دهێنە هەژمارتن، هەتا نوكە ژی ئەڤ پرسە ژ لایێ جڤاكێ نێڤدوەلەتی ڤە نەهاتیە چارەسەركرن.
بەهار خانێ گوت: «ئارمانجا سەرەكی ژ شەشەمین كۆنفرانسێ لالش بۆ ئاشتی و پێكڤەژیانێ، ئەوە راكێشا سەرنجا گشتی یە ژ بۆ دەرئەنجامێن توندوتیژیا سكسی د چارچوڤێ جینوسایدا تاكە كەسی و جڤاكی».
