كۆنفرانسێ بەرماییكێن نۆشداری ئاستەنگ، كارتێكرن و دەلیڤە بۆ چارەكرنێ هاتە گێڕان
ب ئامادەبوونا د. عەلی تەتەر، پارێزگارێ دهۆكێ و لایەنێن پەیوەندیدار دوهی 30/10/2023 و د چارچووڤێ بەرنامێ SDLG كۆنفرانسەك ل دۆر “كۆنفرانسێ بەرماییكێن نۆشداری: ئاستەنگ، كارتێكرن و دەلیڤە بۆ چارەكرنێ” ل باژێرێ دهۆكێ، كو ب پشتەڤانیا وەزارەتا دەرڤە یا هۆلەندا و ژ لایێ رێكخراوا نیڤدەولەتی یا VNG هاتە گێڕان.
پارێزگارێ دهۆكێ د پەیڤەكێ دا سوپاسیا وەزارەتا دەرڤە یا هۆلەندا و رێكخراوا نیڤدەولەتی یا VNG كر بۆ هەماهەنگی و هاریكاریا بەردەوام و ئەو كارێن مرۆڤایەتی یێن ل هەرێما كوردستانێ و پارێزگەها دهۆكێ ئەنجام ددەن، هیڤیا پێشڤەبرنا پەیوەندیان خواست و پشتەڤانیا كارگێریا پارێزگەها دهۆكێ بۆ هەر پێنگاڤەكا جڤاكی بەر ب ساخلەمیێ دبەت دۆپاتكر.
پاشی چەندین پەنەل د بیاڤێن “باژێرڤانی، ساخلەمی، ژینگەهـ و رێكێن چارەكرنێ” هاتنە پێشكێشكرن و راسپاردەیێن كۆنفرانسی بۆ رێكخراوێن پەیوەندیدار دێ هێنە هنارتن.
