كۆنفرانسەك ل دۆر كەرتێ وەبەرهێنانێ دێ هێتە ئەنجامدان
ئەڤرۆ
هەولێر، قائید میرۆ:
بەرپرسەكێ دەستەیا گشتیا وەبەرهێنانێ ئاشكرا كر، بڕیارە ل نێزیك كۆنفرانسەك ل دۆر كەرتێ وەبەرهێنانێ بهێتە ئەنجامدان و نوكە دەستەیا وەبەرهێنانێ كار بۆ راگەهاندنا پڕۆژێن ئەڤ سالە دكەت.
دكتۆر هەڤال سەدیق، رێڤەبەرێ گشتیێ مۆهلەتدانێ ل دەستەیا گشتیا وەبەرهێنانێ خویا كر، د كۆنفرانسی دا ئاریشە و بابەتێن گرێدایی كەرتێ وەبەرهێنانێ دێ هێنە گەنگەشەكرن، كار بۆ پێشڤەبرنا كەرتێ وەبەرهێنانێ ل هەرێما كوردستانێ دێ هێتە كرن و گۆت: «كۆنفرانس پشتی جەژنا رەمەزانێ دێ هێتە كرن، بەلێ ژڤانێ ئەنجامدانا وی هەتا نوكە دیار نینە».
دكتۆر هەڤال سدیق گۆتژی: «هەژمارەكا پڕۆژەیێن وەبەرهێنانێ هاتینە بەرهەڤكرن و بڕیاربوو بەری نوكە بهێنە راگەهاندن، بەلێ پرۆسا راگەهاندنا وان گیرۆ بوو، نوكە كار ل سەر دهێتە كرن ل نێزیك ئەو ژی بهێنە راگەهاندن، هەتا وەبەرهێن داخوازیێن خوە پێشكەش بكەن بۆ ئەنجامدانا وان پڕۆژەیان، ئەڤ سالە ب تنێ مە مۆهلەت دایە 11 پڕۆژەیان، مە گەلەك كێم مۆهلەت داینە پڕۆژێن ئاكنجیبوونێ، ژ بەركو سیاسەتا حوكمەتا هەرێما كوردستانێ ئەڤەیە زێدەتر گرنگی ب كەرتێ چاندنێ و پیشەسازی و گەشتیاری بهێتەدان».
