كۆچبه‌ریا ئێزدیان به‌ر ب كووڤه؟
هه‌ر چه‌نده ب دیتنا من ئێزدیان ب هه‌می ره‌وشه‌نبیر و بنگه‌ه و شێرێن خوه دگه‌هینن كورسی و رێزێن پێشیێ و ب هه‌ر رێیه‌كا هه‌بیت و ب هه‌ر رابردوه‌ك و پیڤه‌رێن سۆپه‌ر رێكان؟ و هه‌ر مه ڤانێن خوه ده‌رڤه‌ی ڕه‌ڤی د هه‌لاڤێژن و ده‌نگ و ره‌نگێن مه نا گه‌هن كه‌سێ جهێ بریارێ، مه ڤان هه‌میان نكاریه خوه بده‌ینه ناسین نه‌ك ب دنیایێ به‌لكی هه‌تا ب دهۆكێ كو ناڤه‌ندا مه‌زنا هه‌بوونا ئێزدیانه و هه‌تا به‌ری ڤێ كاره‌ساتا هاتیه سه‌رێ ئێزدیێن چیایێ شنگالێ و خودان په‌یڤ و رێز و كورسیێن ل به‌ر سپلێتان باش نزانن ئه‌وێن مال و حال و شه‌ره‌ف و كچ و ژنێن خوه كو شه‌ره‌فا مه هه‌میانه هێلاینه و هه‌ر رۆژ ل وه‌لاته‌كی و ب به‌هانه‌كێ دچنه وه‌لاتان و كۆنگره‌یان دگێڕن بۆ دیتنا چاره‌كێ بۆ كچ و ژنێن دئێنه فرۆتن ل سووك و باژارێن ره‌ِقایێ و سعوودیێ و ب به‌هایه‌كی دوور ژ هه‌می پره‌نسیپێن مرۆڤاتیێ لێ مخابن چو كاریگه‌ریا وان شاندێن مه یێن ژده‌رڤه هه‌تا نها دیار نه بوویه و خه‌لكێ مه ل ڤێ كه‌له‌كه‌لا هاڤینێ ل بن چادران دنالن و زۆربه‌ی وان نه‌ملیۆنا په‌نابه‌ریێ و نه كارتا گێژ؟ نه وه‌رگرتینه و هه‌ر ده‌ڤه‌ره‌كێ ب به‌هایه‌كی چێدكن و ڤی خه‌لكێ ئاواره و نه‌كار و نه مووچه و نه كه‌لوپه‌لێن ساركرنێ و ژهاواركرنێ ده‌نگێ وان كه‌فتیه و بێ هیڤی بووینه و ل ئۆرۆپا كۆنگرێن براده‌ران دبه‌رده‌وامن و ململانێ كانێ كی دێ په‌یڤا وان بێژیت و خوه ده‌ته پێش و ناڤه‌كی بۆ خوه چێكه‌ت یان ئه‌وێن دی كو خوه دده‌نه پێش داكو خوه دیار بكه‌ن و بازرگانیێ بناڤێ ئێزدیاتیێ بكه‌ن نه‌خاسمه پشتی نه‌مانا رێزا ئێكێ یا پارێن ئال الجربه شێخێ شه‌ممه‌ران ل خوه به‌لاڤكرین و هه‌ر نه‌فه‌ری دو دینار داینێ كو تێرا دو سالان دكه‌ت؟ ئه‌وان خوه دایه پاش و گه‌هشتنه به‌هرا خوه و دیار بوون و به‌ری كاره‌ساتێ ب دو سێ رۆژان بۆ خوه شوقه گرتبوون ل دهۆكێ؟ وه‌لاتیێ ئێزدی د ناڤ ڤان هزر و بیران دا دژیت و ژ بلی كو هه‌تا نها كه‌س نزانیت چ قه‌ومی و چاوا بوو و چ ئاسۆیه‌ك ل پێشیا وانه، له‌وما ب پیان به‌رێ خوه دده‌نه هانده‌ران، چونكو پاره نه‌مانه و باوه‌ریا وان ب كه‌سی نه‌مایه پشتی وێ كاره‌ساتا هه‌تا نها یا به‌رده‌وامه و رۆژانه مرن و نه‌خۆشی میڤانێ زۆربه‌ی وانه و هه‌كه نه ژ خه‌لكێ كوردستانی با ژ دهۆكی و زاخۆی و هه‌ولێر و سلیمانی و ئاكرێ و ئامێدیێ و خه‌لكێ كوردستانا ئازاد و راسپاردێن سه‌ركردایه‌تیا حوكمه‌تێ و هه‌رێما كوردستانێ با و ب تایبه‌ت سه‌رۆك بارزانی باوه‌ر بكه‌ن نیڤه‌ك ژ ڤانێن مایین نیڤ مری ئه‌و ژی دێ مربان! و نائێته ژبیركرن و هه‌تا هه‌تایێ براتی و جوامێریا وان، به‌لێ پرسیارا مه‌زن و بێ به‌رسڤ هه‌تا ئه‌وه هه‌تا كه‌نگی؟ و بۆچی شنگالێ رزگار ناكه‌ن كو هنده‌ك ژ ڤان خه‌لكێ نیڤمری بزڤرن سه‌ر جه و وارێن خوه؟ بۆچی هه‌تا نها هنده‌ك ژ وانێن ده‌ست ل گه‌ل تیرۆرێ و وێ كاره‌ساتی هه‌بوون هێشتا د ئازادن؟و ل ێپێچین ل كه‌سێ نه‌هاتیه كرن؟ و هنده‌ك پله‌دار به‌ره‌ڤانیێ ژ تاوانباران دكه‌ن ب ئه‌گه‌رێ دینی و مرۆڤاتیێ؟ ئه‌ها ئه‌ڤ هه‌می ئه‌و ئه‌گه‌ره‌نه باوه‌ریا وانێن دچن ده‌رڤه‌ی وه‌لاتی و باش دزانن به‌ر ب حه‌لیان و نه‌مانێ ڤه یه مخابن و ب باوه‌ریا من ئه‌ڤه ژی دبیته فه‌رمانا (75) و رۆژ دێ بۆ مه دیار بكه‌ن و زۆر مخابن كه‌س نكاره باوه‌ریێ بۆ كه‌سێ چێكه‌ت كو نه‌چن ژ به‌ر ئه‌مین كه‌ڤنترین ئۆل د دیرۆكا مرۆڤاتیێ دا و ئه‌ڤه وه‌لاتێ بابوكالێن مه‌یه.
