كۆڕبەندەكێ ئابووری د ناڤبەرا هەرێمێ و هەنگاریا دا دێ هێتە گێڕان
سەرۆكێ دەستەیا وەبەرهێنانێ ل هەرێما كوردستانێ دیاركر، ئامادەكاری بۆ رێكخستنا كۆڕبەندەكێ ئابووری و وەبەرهێنانێ د ناڤبەرا هەرێما كوردستانێ و وەلاتێ هەنگاریا دا دهێنە كرن.
د. مەحەمەد شوكری، سەرۆكێ دەستەیا وەبەرهێنانێ بۆ رۆژنامەیا ئەڤرۆ گۆت: «مە ل گەل تیڤادار گێرگێی تاكاچ، قونسلێ گشتییێ هەنگاریا ل هەولێرێ گەشەپێدانا پەیوەندیێن ئابووری و وەبەرهێنانێ و بەرفرەهكرنا گوهۆڕینا بازرگانییێ د ناڤبەرا هەرێما كوردستانێ و وەلاتێ هەنگاریا دا گۆتۆبێژ كرینە و بڕیار بۆ رێكخستنا كۆڕبەندەكێ هەڤپشكێ ئابووری و بازرگانی و وەبەرهێنانێ د ناڤبەرا وەبەرهێنەر و سەرمایەدارێن وەلاتێ هەنگاریا و هەرێما كوردستانێ دا كرینە و بڕیار هاتیەدان، تیمێن هەردو ئالیان گاڤان بۆ ڤێ ئارمانجێ ب هاڤێژن».
