كۆڕبەندەكێ زانستی ل دۆر گرنگیا شیردانا سروشتی ل ئاكرێ هاتە ئەنجامدان
رەمەزان زەكەریا:
ب مەرەما بلندكرنا ئاستێ هشیاریا ساخلەمیێ و دیاركرنا گرنگیا شیردانا سروشتی بۆ دایك و زارۆكی، دوهی 11/2/2026 پشكا بایولۆجی ل كۆلیژا پەروەردا ئاكرێ ب هەڤكاری ل گەل رێڤەبەریا ساخلەمیا ئاكرێ، كۆڕبەندێ زانستی یێ دووێ ل ژێر درووشمێ «شیردانا سروشتی پێدانا ژیانێیە و پاراستنا ساخلەمیا دایكێیە» ئەنجامدا.
د كۆڕبەندی دا چەندین برگێن زانستی و هشیاری هەبوون، كو تێدا پێشانگەهەكا تایبەت ژ لایێ قوتابی و مامۆستایێن پشكا بایولۆجی ڤە هاتبوو نیشادان و تێدا ب رێكا وێنە و پۆستەران مفایێن شیرێ سروشتی هاتبوونە شڕۆڤەكرن.
دیسا د كۆڕبەندی دا پانێلەكێ گرنگ ل سەر هەردو تەوەرێن ساخلەمیێ و ئایینی هاتە پێشكێشكرن، كو تێدا رۆناهی ئێخستە سەر دید و بۆچوونێن ئایینێ ئیسلامێ و پشتەڤانیا وێ بۆ شیردانا سروشتی وەكو مافەكێ سەرەكی یێ زارۆكی.
