كۆڤانی میدالییا دویێ یا برۆنزی ل ئیماراتێ ب دەستڤە ئینا
كوڤان حەسەن كوڕێ پارێزگەها دهۆكێ و یاریزانێ هەلبژارتیێ ئیراقێ بۆ یاریێن گورەپانێ یێن خودان پێدڤیێن تایبەت شیا میدالییا دویێ یا برۆنزی د دو قارەمانیێن جودا دا ل وەلاتێ ئیماراتێ ب دەستڤە بینت، پشتی دگەل هەلبژارتیێ ئیراقێ پشكداری قارەمانییا ئەلشارەقە یا نێڤدەولەتی بووی ئەوا دهێتە هژمارتن ئێك ژ قارەمانیێن باوەرپێكری ژبۆ پشكداریێ و دەربازبوون بەر ب قارەمانییا پارائۆلمپیادا پاریس 2024ێ.
یاریزانێ ناڤهاتی شیا بۆ هاڤێتنا پارسەنگی 40f رێزا سێیێ بهیت و هەڤالێ وی وقارەمانێ جیهانی جەراح نەسار رێزا ئێكێ ب دەستڤە بینت و میدالییا زێری ب دەستڤە بینت ئەوا 281 یاریزان ژ 44 وەلاتان پشكداری كرین، دەستڤە ئینانا برۆنزییا قارەمانییا شاریقە یا نێڤدەولەتی یا ڤەكری دبیتە یا دویێ پشتی ل حەفتییا بۆری شیابوو برۆنزییا قارەمانییا رۆژئاڤا ئاسیا ب هەمان یاری ب دەستڤە بینت.
پشتی ڤێ قارەمانیێ كۆڤان حەسەن شیا پێنگاڤەكا باش بەر ب دەربازبوون بۆ پارائۆلمپیادا پاریس 2024ێ بینت و بزاڤێن دەستڤە ئینانا ناسناڤەكێ دی یێ مەزن بكەت.
بۆ زانین یاریزانێ ناڤهاتی كوردێ ئێكانە یە د ناڤ رێزێن هەلبژارتیێ ئیراقێ دا ل سەر ئاستێ یاریێن گۆرەپانێ بۆ خودان پێدڤیێن تایبەت و هەتا نوكە شیاییە 126 میدالیێن رەنگین د قارەمانیێن جودا یێن نێڤدەولەتی، عەرەبی، رۆژئاڤا و جیهانی ب دەستڤە بینیت، مەزنترین دەستكەفتا وی ل ئۆلمپیادا جیهانی ریۆ دی جانیرۆ یا 2016ێ ل بەرازیلێ دەمێ شیایی بۆ یارییا هاڤێتنا رۆمی میدالییا زێری ب دەستڤە بینت و شیایی نمرەكا نوو تۆماربكەت ب هاڤێتنا 41م و 82سم، دیسان میدالیێن زێری و زیڤی د قارەمانیێن مەزن دا بینت ژ وانا ل پایتەختێ ئنگلتەرا لوندن، دیسان چیك، قەتەر و ئیماراتێ.
