كۆڤان حه‌سه‌ن:خه‌لاتێ رۆژا پارێزگه‌هبوونا دهۆكێ تایبه‌تمه‌ندیا خوه هه‌یه
ئه‌ڤرۆ،
د دیداره‌كێ دا كۆڤان حه‌سه‌ن كوڕێ باژێرێ ئاكرێ و یاریزانێ هه‌لبژارتیێ ئیراقێ بۆ یاریێن مه‌یدانێ یا خودان پیدڤیێن تایبه‌ت دیاركر گه‌له‌ك كه‌یفخووشه ب خه‌لاتێ ئێك ژ باشترین حه‌فت كه‌سایه‌تیێ پارێزگه‌هێ د رۆژا پارێزگه‌هبوونا دهۆكێ دا هاتبوو خه‌لاتكرن.
زێده‌تر ناڤهاتی بۆ رۆژناما ئه‌ڤرۆ گۆت: سۆپاسیا پارێزگارێ دهۆكێ دكتور عه‌لی ته‌ته‌ری دكه‌م كو ئه‌م ژ هه‌ژی خه‌لاته‌كێ زێرین كرین و ده‌ڤ من یا تایبه‌تمه‌نده ژبه‌ركو خه‌لاتێ پارێزگه‌هبوونا پارێزگه‌ها منه و ئه‌ڤچه‌نده دێ بیته پالده‌ره‌كێ مه‌زن بۆ قاره‌مانیێن داهاتی به‌رده‌وام ده‌ستكه‌فت و ئه‌نجامێن باش ده‌ستخوه‌ڤه بینم وه‌كو كوڕده‌ك دناڤ هه‌لكه‌فتێن جیهانی دا، دوباره سۆپاسیا پارێزگاری و هه‌ر لایه‌نه‌كی دكه‌م یێ ئه‌ز ژ هه‌ژی ڤێ خه‌لاتی دیتیم.
بۆ زانین یاریزانێ ناڤهاتی كوردێ ئێكانیه د ناڤ پێكهاتیێ هه‌لبژارتیێ ئیراقێ بۆ یاریێن مه‌یدانێ دا و شیایه زێده‌تر122 میدالیێن ره‌نگین د قاره‌مانیێن جودا یێن نێڤده‌وله‌تی، ئه‌ره‌بی و جیهانی بده‌ستڤه بینت ژوانا ده‌ستكه‌فتا ئۆلۆمپیادا ریۆ دی جانیرۆ یا 2016ێ ل به‌رازیل میدالیا زێری بۆ هاڤێتنا رۆمی كو ژدووراتیا 41م و 82سم تۆماربكه‌ت و میدالیێن زێری و زیڤی د قاره‌مانیێن نێڤده‌وله‌تی، ل لندن، چیك، قه‌ته‌ر و ئیماراتێ.
