كۆڤان حەسەن بۆ كۆپا ئاسیا بەرهەڤییان دكەت
رەمەزان زەكەریا
كوڕێ باژێرێ ئاكرێ كۆڤان حەسەن یاریزانێ یاریێن گۆرەپانێ بۆ خودان پێدڤیێن تایبەت یێ بەرهەڤییان بۆ كۆپا ئاسیا 2026ێ دگەل هەلبژارتیێ ئیراقێ دكەت ئەوا بڕیارە هەڤڕكیێن وێ ناڤەڕاستا تەباخا بهێت وەلاتێ چاپانێ مێڤاندارییا وێ بكەت.
لدۆر ڤێ یەكێ ناڤهاتی بۆ رۆژنامەیا ئەڤرۆ گۆت: پشتی ب سەركەڤتیانە شیاییم ڕێزێن دویێ و سێیێ د هاڤیتنا رۆمی و پارسەنگی ل سەر ئاستێ رۆژئاڤا ئاسیا بدەستڤە بینم كو بیتە دەرگەهەك ب فەرمی پشكداریێ د كۆپا ئاسیا دا ژی بكەم ئەوا دێ ل وەلاتێ چاپانێ هێتە كرن، ئەڤە ژی بەلگەیە بۆ ڤەگەریانا من یا بهێز پشتی بۆ ماوەیەكێ درێژ ژ دووركەڤتنێ ژبەر هنگاڤتن و خواندنێ، ڕژدم ئەڤ جارە باشتر و سەرفەرازی دەستكەڤتەكێ مەزن بینم.
ل دور بەرهەڤیێن خوە بۆ قارەمانییان ناڤهاتی گۆت: ئاریشا من یا سەرەكی نەبوونا گۆرەپانەكا گونجایە بۆ راهێنانێ. ئەز ل گوندەكێ سەر ب دەڤەرا ئاكرێ ڤە دژیم و بۆ ئەنجامدانا راهێنانان، نەچارم رێیێن دوور ببڕم و بچمە باژێرێن دهۆك، هەولێر یان ژی بەغدا، ئەڤەژی ئاماژەیە كو یێ ڕژدم وەكو ئێكانە كوردستانی بگەهمە میدالیێن زێری.
كۆڤانی رۆلێ كەسێن پشتەڤانییا وی دكەن ژبیر نەكر و گۆت: سەركەفتینَن من ب پشتەڤانیا مالباتامن و راهێنەرێن خۆ ڤە دگەرینم و ب خۆشحالیڤە پشكداری هەر قارەمانیەكێ ببم بێ دەستكەفت و میدیالیا نە زڤریمەڤە، پێنەڤێت حوكمەتا هەرێمێ و پارێزگارێن دهۆك و هەولێر هەردەم دەستخوەشی لمن كرینە، ب هیڤییا وێ یەكێ پشتەڤانیا وان بۆ من بەردەوام بیت.
