كیك بۆكسینگا دهۆكێ چاڤ ل پشتەڤانیێ یە ژبۆ پشكداریێ د قارەمانیا نێڤدەولەتی دا
ئەڤرۆ
د داخویانیەكێ دا راهێنەرێ تیما كیك بۆكسینگا یانەیا دهۆك دیار كر داخوازنامەیا فەرمی ژلایێ ئێكەتیا عەرەبی و جیهانی WAKOهاتیە ژبۆ پشكداریێ د قارەمانیا نێڤدەولەتی دا ئەوا بڕیارە هەڤڕكیێن ل 26ێ ڤێ هەیڤێ وەلاتێ ئۆردن مێڤانداریا وێ كەت.
زێدەتر سالح كەكۆ بۆ رۆژناما ئەڤرۆ گۆت: ب فەرمی تیما یانەیا دهۆك ل سەر ئاستێ كوڕان و كچان بۆ قارەمانیا نێڤدەولەتی هاتیە داخوازكرن وەكو ئێك ژ یانەیێن بەرنیاس ل سەر ئاستێ عەرەبی و رۆژهەلاتا ناڤین و هاتیە ژێگرتی بۆ پشكداریێ دیسان وەكو نوونەرا كوردستانێ و ئیراقێ بەرهەڤیێن مە گەلەك د باشن ل سەر ئاستێ كوڕان و كچان و مە باوەری هەیە دێ پشكداریەكا سەرفەراز و سەركەفتی بیت، لەوما هیڤییا مە ئەوە ژ یانەیا دهۆك و پارێزگارێ دهۆكێ پشتەڤانیا تیما مە بكەن بۆ ڤێ روودانا مەزن ئەوا دهێتە پێشبینیكرن باشترین یاریزانێن جیهانی و پیشەكار ل وەلاتێن ئۆرۆپا و ئەفریقیا پشكداریێ بكەن ژبەركو قارەمانیەكا فەرمی یە و باوەرپێكرییە و بەرپرسێن مەزن یێن ئێكەتیێن جیهانێ واكو، عەرەبی و ئاسیا بەرهەڤبن.
ناڤهاتی ئەوچەندە ژی دیار كر كیك بۆكسینگا پارێزگەها دهۆكێ پێدڤی ب ئەڤان جورە قارەمانیێن مەزنن ژبەركو كۆمەكا باش یا یاریزانان ئاستێن بلند هەنە و هەروەسان وەكو یانەكا كوردستانێ دێ پشكداربین و ب ئالایێ كوردستانێ ژی دێ بلند كەین.
