كێشه‌یێن دناڤبه‌را هه‌ڤژینان دا ئه‌ڤ مفایه هه‌نه
ئەڤرۆ نیۆز،زنار تۆڤى:
ڤه‌كۆلینه‌كا نوو یا ئه‌مریكى ده‌رێخستیه كو گرفت و كێشه‌یێن دناڤبه‌را هه‌ڤژینان دا و شه‌ره‌ده‌ڤ دبیته ئه‌گه‌رێ ب هێزكرنا په‌یوه‌ندیان دناڤبه‌را وان دا،به‌لكو دبیته ئه‌گه‌رێ سه‌رخستنا وان،چونكى هه‌كه زێده‌تر ژ كێشه‌یه‌كێ د حه‌فتیێ دا روو بده‌ت،دێ هاریكاریا وان كه‌ت بۆ پاراستنا په‌یوه‌ندیێن دناڤبه‌را وان دا.
ئه‌ڤ ڤه‌كۆلینه ل پشكا خێزانى یا زانكۆیا مینیسۆتا یا ئه‌مریكى ده‌رچوویه،كو تێدا ده‌رێخستیه جۆداهى هه‌یه دناڤبه‌را شه‌ره‌ده‌ڤى و شه‌رى دا،چونكى ئاخفتن و شه‌ره‌ده‌ڤ و دانوستاندنا هه‌ڤژینان ب رێیه‌كا ساخله‌م و سلامه‌ت دهێته دانان بۆ هێلانا هه‌ستێ ئه‌ڤینیێ ب ره‌نگه‌كێ كاریگه‌ر،به‌لێ ڤه‌شارتنا وان هه‌ستان دێ بیته ئه‌گه‌رێ رووخاندنا وان په‌یوه‌ندیان.
ل دووڤ وێ ڤه‌كۆلینێ كو سایتێ(لایف هاك) به‌لاڤكریه،كو دڤێت هه‌ردو لا هه‌ستێن خوه یێن باش و یێن خراب بۆ ئێكودۆ بێژن و دانوستاندنێ ل سه‌ر بكه‌ن و ئه‌ڤه دێ بیته ئه‌گه‌رێ چاره‌سه‌ریا كێشێن وان.
ئه‌ڤ ڤه‌كۆلینه رێنماییان دده‌ته هه‌ڤژینان بۆ هندێ كو نابیت ئه‌و خوه ژ شه‌ره‌ده‌ڤى و دانوستاندنان دوور بێخن،به‌لكو دڤێت پێكڤه روونن بۆ چاره‌سه‌ركرنا كێشه‌یان،ژ پێخه‌مه‌ت زێده‌تر د ئێكودۆ بگه‌هن.
