كێشەیا كێمیا ئاڤێ ل ناوچەداریا كەلەكچی هاتە چارەسەركرن
شێخان، بارزان مزووری:
سیروان رۆژبەیانی، جێگرێ پارێزگارێ نەینەوا ژ پشكا پارتی بۆ رۆژناما ئەڤرۆ دیار كر، د ڤی وەرزی دا كێشەیا كێمیا ئاڤا ڤەخوارنێ ل ناحیا كەلەكچی پەیداببوو، ژ بەر كێمیا كارەبا گشتی بۆ كاركرنا بیرێن ئاڤێ و دبێژیت: پشتی كێشە گەهشتیە مە، ژ لایێ لژنا ناوچا پارتی یا وێ ناحیێ ئەم شیاین كێشەیا وان چارەسەر بكەین، كو بۆ ماوێ 24 دەمژمێران ئاڤ بۆ وان بهێتە بەردان.
ناڤبری دیار ژی كر، د ئێكەم پێنگاڤ دا 33 هزار لترێن گازوائیلێ بۆ وان موەلیدان هاتنە دابینكرن، یێن د ناڤ بیرێن ئاڤێ دا، داكو رۆژانە كاربكەن، بۆ دابینكرنا ئاڤا ڤەخوارنێ بۆ مالان و گۆت: «ل نێزیك دێ پێنگاڤێن باش هاڤێین، داكو ئەڤ دەڤەرە بێ ئاڤ نەمینن».
