كێ پهقینا ئهنقهرێ ئهنجامدا و ئهنجامێن ڤهكۆلینان گهانه كیدهرێ؟
ل ههفتیا دهربازبووی و ب دروستی ل رۆژا 17/02/2016 پهقینهكێ ئێك ژ ههستیارترین جادێن ئهنقهرێ ههژاند كو ئاڤاهیێ پهرلهمانێ توركیا وجڤاتا بلندا سهربازی دكهڤنه د وێ جادێ دا ههر دهملدهست ژ ئالیێ كهنالهكێ كوردیڤه ب شێوهیهك زیندی هاته ڤهگوهازتن نیڤ دهمژمێر دهرباز نهببی دهما ئهینی كهنالی گوتی نوكه دێ ب شێوهیهك راستهوخوَ بوَ ههوه پرێسكونفرانسا سهروَك كوَمارێ توركیا رهجهب تهیب ئهردوگان ڤهگوهێزین. پشتی سهروَكێ كوَمارێ سلاڤ ل رۆژنامهڤانان كری هاته سهر با بهتێ پهقینێ و گوت: “سوپاس بوَ خودێ و هێزێن ئاسایشێ مه كاری ئهم ناسناما كهسێ خوهكوژ ئاشكهرا بكین ئهوژی ب دیتنا تبلاوی یا بهرانی و ناسناما وی ل جهێ پهقینێ و پشتی مه پشكنین بوَ وێ قهتێ تبلا وی كری دهركهت ناڤێ وی صالح نهجاره ل مهها8 یا سالا دهربازبووی وهكو پهنابهر هاتیه ناڤ ئاخا توركیا و خهلكێ عهفرینێ یه و سهر ب پهیهدێ یه”. رۆژا دن سهروَك وهزیرێن توركیا بوَ چاپهمهنیێ ئاخڤی و ههر ئهینی ئا خفتنا سهروَك كوَماری دووبارهكر:(ناڤێ خوهكوژی سالح نهجاره، خهلكێ عهفرینێ یه و سهر ب پهیهێ یه)!! براستی نهدووره و ههموو ژ خوهدێ تێت، بهلێ گهلوَ هوون بێژن بهر ئقل و لوَژیك بت، پهقینهك هێزا وێ تهلاران بینت خوار و دهڤهرێ ههموویێ بكت ئاگر و 28 سهربازان بكوژت و 120 كهسان بریندار بكت و د ناڤ وێ دوزهخێ دا تلا بهرانی یا خوهكوژی ب سلامهت بهێته دیتن و ناسناما وی ژی بێی كو ئاگر بهربتێ؟! یا ژڤێژی ئهنتیكه تر دهما سهروَكێ وهزیرا پرێسكونفرانس ل دارخستی هێشتا قهتێن مروَڤان ل سهر ئاڤاهیێ تهلاران بوون ب ههر حال سێ رۆژان ڤی قاونی بهردهوامكر و ههر سهرێ دهمژمێرێ دهاته دووبارهكرن، (خوهكوژ خهلكێ عهفرینێ یه و سهر ب یهپهگێ یه و دڤێت توركیا ڤێ بوَ یهپهگێ نههێلت و مافێ وێ یه توَلا خوه ب هلینت). تهڤی وێ یهكێ كو پشتی پهقین هاتیه ئهنجامدان دهملدهست سهلاحهدین دهمیرتاش د دا خوَیانیهكێدا پروَتهستوا ڤێ پهقینێ كر و ب كارهك تیروَر ل قهلهمدا دیسان سالح مسلم ههڤسهروَكێ پهیهدێ ل رۆژا دووڤ دا بێ ئاگاهیا خوه ژ روودانێ دیار كر و پاشێ قهندیلی ژی بێ ئاگههیا خوه دیاركر، لێ قهت راگههاندن و مهدیایا جیهانی پووته و گرنگی ب داخویانیێن بهرپرسێن توركیا ل سهر ڤێ پهقینێ نهدان و وهكو نهباوهریهكێ خوَیا بوو ئهڤێ بێدهنگی و نهباوهریا جیهانێ ب تایبهت ئهمریكا پهرپرسێن توركیا زێده دلگرانكرن گهڕ گهایه هندێ سهروَك كوَمارێ توركیا ب دهنگهك بلند گازی بكت “بلا ئهمهریكا خوه ئێكلا بكت وی ئهم یان ژی كورد (یهپهگه) سێ رۆژ ب سهر بوویهرێڤه دهرباز بوون بازێن ئازادیا كوردستانێ پهقین ئێخستن ستوێ خوه و گوتن: “ئهڤه تولا كوَم كوژیێن ل باكوورێ كوردستانێ تێن كرن، ل سهر دهستێ ئوردیا تورك و تولهلاندن دێ بهردهوام بت و كهسێ خوهكوژ ناڤێ وی باقی سومره خهلكێ وانێ یه”؛ ههلبهت بههیا وی ژی ل وانێ هاته دهینان و پوَلیسان ب سهر بههیێدا گرتن و چهندین كهس دهستهسهر كرن، لێ سهروَكێ وهزیران د بهرسڤا وان دا گوت: “ههما ههر یهپهگهیه و كێ كربیت ههر دهستێن یهپهگێ د ناڤدایه و دڤێت هێریش ل سهر یهپهگێ وهرن ئهنجامدان”. ژ بهرسڤێن سهروَكێ وهزیران مروَڤ وهسا تێدگهههت كو بهرسڤێن سهروَكێ وهزیران بهری بوویهرێ هاتبوون ئامادهكرن و بریار هاتبوو دان هێریش ل سهر رۆژئاڤایێ كوردستانێ وهره كرن. ئهگهر نه ما نه دڤیا خوه ل بهندا ئهنجامێن دوڤچوون و ڤهكۆلینان بگرن پاشێ داخویانیان بدن یا دن ژی ئهڤه بازێن ئازادیا كوردستانێ یێن ب فهرمی و بدهنگهك بلند دبێژن ههموو جیهانێ مه ئهڤ بوویهره یا ئهنجامدای!! بهلێ بهرپرسێن دهولهتێ خوه بسهرڤه لێ نادن ل سهر وێ ئا خفتنێ درژدن یا نیڤ دهمژمێرێ پشتی بوویهرێ راگههاندی ئانكو پهقاندن كێ كریه كێ نهكریه ئهو گرنگ نینه قوَربانی چهندن و كینه دیسا گرنگ نینه!! یا گرنگ ئهوه ههدهپه و یهپهگه بهێنه تومهتباركرن و ببته بههانه ژبوَ هێریشێ ل سهر رۆژئاڤایێ كوردستانێ بتایبهت ئهو سهركهفتنێن ڤێ داویێ هێزێن سووریا دیموَكراتیك ل سهر چهتێن دهولهتا خیلافهتا ئیسلامی بدهستڤه ئیناین و ب تایبهت كونتروَلكرنا شهدادێ كو ب خهندقاندنا دهولهتا خیلافهتا ئیسلامی جهێته هژمارتن و هێدی هێدی نێزیكبوونا كوردان ل دهریایێ؛ ئهڤێ چهندێ بهرپرسێن دهولهتا توركیا یێن توشی هیستریایێ كرین و دبێژن ئێدی ئهو نكارن ل ههمبهر ڤێ رهوشێ بێ دهنگ راوهستن.
