كێ گهنج تووڕه كرینه؟!..
د. سالار ئوسمان
پشكهك ژ گهنجێن كوردستانێ د تووڕهنه، ب خهم و دودلن و ههر تشتهكى ڕهت دكهن، دگوهگر نینن هندی ئاخڤن، د ئاخفتنێ ژى دا ب تنێ مهبهستیانه كهربا تووڕهبوونا خوه دڕێژن و چو دی دیتر، ناخوازن دیالۆگێ بكهن، ههكه ژى دیالۆگی بكهن، ههر ب تووڕهیی ڤى دكهن و ب ئاكام، تووڕه و قهلهقن و ڕهتكهرێن ڕایهلێك ناهێلن د ناڤبهرا خوه و ئهوێن دیتر دا!..
ـ نزانم قهت ئهو پرسیار مه ژ خوه نهكریه: كێ گهنج تووڕه كرینه؟!.. پرسیارهكه و دڤێت ئهم ژ خوه بكهین، تایبهت ئۆرگانێن ڕهسمی و بهرپرسان، دڤێت د بهرسڤدانا خوه دا د بێلایهن بین. مهبهستا من ژ بێلایهنیێ ژى ئهوه، كو دڤێت ب زانستیانه دووڤداچوونێ د پرسیارێ دا بكهین و بهلگه و پاساوێن مه ژى ل بهر دهست بن، ب رامانهكا دیتر دڤێت گهنج و تووڕهبوونا وان ب خهم و پرسا وهلاتى بزانین و ههول بدهین ئاش بكهینهڤه، چونكو گهنج ههرچ بێژین، دوجار نهوهیێن ئهڤڕۆنه و كوڕی سوبههی و بنیاتنهرێن دواڕۆژن!..
ـ دێ..، كێ گهنجێن كوردستانێ تووڕه كرینه؟!.. زۆر ب كورتی و ئاشكرایی و ب زمانهكێ ساده دخوازم د خزمهتا وان دا بهسڤبدهم: ئۆپۆزسیۆن و گهندهلی و پشكهك ژ مهلایێن سیاسی یێن توندرهوێن كوردستانێ گهنج تووڕه كرینه، لهورا ل دووڤ ڤێ بهرسڤێ، دڤێت ناڤ ل تووڕهیا دژه گهندهلی بینین تووڕهیا سپی و یا دیتر ژى تووڕهیا ڕهش!..
ـ تووڕهیا سپی، واته ئهو تووڕهی یه یا كو ل دژى گهندهلیێ، تووڕهیهكا مهشروعه و ب نیازا چاك ڤه دهێت پشكدار بیت د چاكتركرنا ڕهوشا وهلاتى، واته نیشتمان ڕهت ناكاتهڤه و بگره ژ خهما چاكتركرنا وهلاتى و دامهزراوهیێن وێ، لهورا تێكڕایا وان بزاڤێن ڕیفۆرمیێ یێن ههین و دهست پێكرینه، هێدی هێدی ئهو تووڕهیه خاڤ دكهتهڤه و چهندى ئهو بزاڤ زووتربن، زووتر و زووتر تووڕهیا وان كێمتر و كێمتر دهبنهڤه.
ـ تووڕهیا ڕهش، پێكهاتیه ژ تووڕهیا، كو ئۆپۆزسیۆن و مهلایێن تووندڕهو ل كوردستانێ دروستكریه، ئهڤ تووڕهی یه نیازمهندیا سیاسیی یا شكێنهر ئاراسته دكهت، واته نه مهشرۆعی زۆرا تێدا ههیى و ب قهدهر ڕێژهیا نهمهشروعیا وێ ژى وهلاتى ڕهتدكهت، ب واتایهكا دیتر د خهما وهلاتى و چاكتركرنا وهلاتى و دامهزراوهیێن وڵاتى نینه، بگره ژ خهما وێ نیازمهندیا سیاسی یا شكێنهرا وهلاتى دا نهبینه، كو وهك كارگهههكا دژ، ههر گهنجێ تووڕه بهرههم دئینیت، وهك دیار ژى ئهڤ تووڕهى یه دوور ژ ئهقلانیهتێ، بنیاتنان و بهرههم و ئاكامێن وێ ژى ئهڤهیه، كو ههم وهلات و ههم خوهدی گهنجى ژى زهرهرێ لێدهكهن و سهرباری ئهڤانه ژى، دگهل خوه دا قهلهقا جڤاكى دئینیته ڤه و ب كورتی پڕه ژ ئازاران و چو چارهسهریهكی پێ نینه!..
ـ چ بكهین باشه؟… پێش ههر شتهكى دڤێت دیالۆگێ بكهین و ماندوو نهبین، دیالۆگ ل گهل گهنجێن تووڕه، بۆ ڤێ مهبهست و ئامانجێ ژى، ژینگهها دیالۆگێ، جۆرێ دیالۆگێ، كینه ئهوێن دیالۆگێ د گهل گهنجان دكهند گرنگن، دڤێت ب هوورى و زانستیانه و سهردهمیانه ئهڤ پرۆسا كلتووری سیاسی جڤاكى نیشتیمانی بڕێڤه بچێت، ههم دیسا دڤێت دهرفهتا پشداریپێكرنێ، ههلێن كارى و بهرههمى بۆ گهنجان بهێنه فهراههمكرن و ب كورتی ههستا (بوون) و (ههڤپشكی) و (ههڤچارهنڤیسی) یان بۆ دروست بكهن و ئهڤ چارهسهریانه ژى ب كریار بهێته د وارێ جێبهجێكرنێ دا!..
