كەرنەڤالەكا جەماوەری بۆ پشتەڤانیا لیستا 275 ل زاخۆ هاتە ئەنجامدان
زاخۆ، دلۆڤان هالۆ:
د چارچوڤێ بانگەشەیا هەلبژارتنان دا بۆ لیستا 275 یا پارتی، دوهی 5/11/2025 لیژنا ناوچا ڕزگاری یا سەر ب لقێ هەشت ڤە، كەرنەڤالەكا جەماوەری یا بەرفرەهـ بۆ پشتەڤانیا لیستا 275 ب ئامادەبوونا عومەر ئورەی، بەرپرسێ لقێ هەشت یێ پارتی ل زاخۆ و بەربژارێن لیستێ ل زاخۆ هاتە ئەنجامدان.
عومەر ئورەی، بەرپرسێ لقێ د پەیڤەكێ دا بەحس ل مێژوویا پر شانازی یا پارتی و ڕۆلێ وێ د چەسپاندنا ئاسایش و سەقامگیریێ و پاراستنا ئازادیێن گشتی دا ل هەرێما كوردستانێ كر، زێدەباری پشكداریێن وێ د پشتەڤانیكرنا پرۆسەیا ئاڤاكرن و گەشەپێدانێ دا، دیسا دووپاتی ل سەر گرنگیا پشكداریكرنێ د هەلبژارتنان دا كر و ئاماژە دا وێ چەندێ، كو لیستا 275 ڕێبازەكا ئاشكرا بۆ بەرەڤانیكرن ژ مافێن وەلاتیان و مافێن هەرێما كوردستانێ د چارچوڤێ دەولەتا ئیراقا فیدرالی دا نیشا ددەت.
پاشی بەربژارێن لیستێ ل زاخۆ خوە دانە نیاسین و ب كورتی بەرنامێ خوە یێ هەلبژارتنان بەحس كرن بۆ خزمەتكرنا جڤاكی و بهێزكرنا دادپەروەریا جڤاكی و پاراستنا دەستكەفتێن دەستووری یێن گەلێ كوردستانێ.
ئامادەبوویێن كەرنەڤالێ پشتەڤانیا خوە یا تەمام بۆ لیستا 275 یا پارتی دیار كرن، كو ئەڤ لیستە ئیرادە و هیڤیێن وان یێن سیاسی و نەتەوی دیار دكەت و گۆتن: «لیستا 275 یا پارتی پارچەیەكە ژ مە و سەركەفتنا وێ رامانا سەركەفتنا كوردستانێ یە».
