كەزیا كچا كورد هێمایێ شەرەفا كوردانە
دلڤین رەشید:
شێوەكارا گەنج (خەملین سەدیق) كو خەلكا كومەلگەها شاریایە و قوتابیا پەیمانگەها هونەرێن جوان/پشكا شێوەكاری یە، د دیدارەكێ دا بۆ رۆژناما ئەڤرۆ گۆت: ئەڤە سێ سالن ئەز وێنەیان چێدكەم و بۆ پشتەڤانیا كچێن كورد ل رۆژئاڤایێ كوردستانێ من كەڤالێ (كەزی) چێكریە، بۆ زانین من حەز ل سەر چێكرنا وێنەیێن سرۆشتێ كوردستانێ هەیە، هەروەسا وێنەێن هونەرمەندێن جیهانی ژی چێدكەم و گرنگیێ ب كەڤالێن كلتۆری ژی ددەم، بەلێ پشتی ئەو روودانێن لڤێ دووماهیێ ل رۆژئاڤایێ كوردستانێ چێبووین، من ب فەر دیت وەك وەفاداریەك و پشتەڤانیەك ژبۆ كچ و ژن و شەرڤانێن كورد ل وێ دەڤەرێ، كو دڤێ قوناغا سەخت و دژواردا بەرگیریێ ژ شەرەف و كەرامەتا گەلێ كورد دكەن، من ژی وەك شێوەكارەك خواست ب ڤێ رێكێ پشتەڤانیا خۆ بۆ خوشك و براێن خۆ یێن شەرڤان بكەین، چونكی كەزیا كچا كورد هێمایێ شەرەفا كوردانە.
هەروەسا گۆت: هیڤی خوازم ژ هەر هونەرمەندەكێ كورد ل دووف شیانێن خۆ و ب رێكا هونەرێ خۆ بەرەڤانیێ ژ گەلێ كورد وكوردستانێ بكەن، چونكێ ئەڤ روودانە دێ د بیردانكا دیرۆكێ دا مینیت، كو گەلەك زۆلم و زۆرداری ب دەستێ دوژمنان ب سەرێ مللەتێ كورد هاتیە.
