كەزیێن سپی یێن ژنان كرینە كەڤال
سندس سالح سلێڤانەیی:
شێوەكارەكا خەلكا دهۆكێ كەزیێن سپی یێن ژنەكا دانعەمر دكەڤالەكێ خوە دا بكار ئیناینە و ئەو دبێژیت پرانیا كەڤالێن ئەز چێدكەم دەربڕینێ ژ ئێش و ئازار و نەخۆشیێن ژنان دكەن و هیڤی دارم ئاریشە و نەخۆشیێن ژنان ب ئێكجاری نەمینن و ئێدی وەكو هەموو كەسێن دی دناڤ جڤاكی دا بژین.
پەری ئازاد ئەحمەد گۆت: ئەڤە نێزیكی شەش سالانە كارێ هونەری دكەم، لێ سێ سالن من فۆكسا خوە خستیە سەر ئێش و ئازار و نەخۆشیێن ژنان، لەورا د هەر كەڤالەكی دا ئەز یا بزاڤێ دكەم وێ چەندێ بەرچاڤ بكەم و هیڤیا من ئەوە كەڤالێ كەزیان ببیتە دووماهی كەڤال من چێكری و ئێدی ژن دوور بن ژ هەر ئاریشە و ئازارەكێ، هەروەسا نەخۆشیان نەبینن.
