كەسایەتیەكێ ئێزدی: ئەڤ سالە رێورەسمێن جەژنا سەرێ نیسانێ نابن
سالار محەمەد دۆسكی:
شێخ زێدو باعەدی، كەسایەتیێ ئێزدی بۆ ئەڤرۆ ئاشكرا كر كو ئەڤ سالە كوردێن ئێزدی جەژن و سەرێ سالێ و شاهیێن تەوافا ناگێڕن، چونكی ئیراق ب گشتی و كوردستان ب تایبەتی یا د هندەك كاودانێن نەخوش دا دەرباز دبیت.
باعەدری گۆت: «هەر چەندە سەركردایەتیا كوردستانێ ئاشكراكریە كو ئەم پشكەك نینین ژ ئەڤی شەری، لێ هێزێن نەشەرعی ل ئیراقێ و چەكدار گەلەك باژێڕێن كورستانێ دكەنە ئارمانج، لەوما ژی ب تنێ مەراسیمێن ئاینی دێ هێنە گێڕان و شاهیێن مەزن وەكی هەر سال نابن».
شێخ زێدو باعەدری گۆت ژی: «هەر سال ئێزدی جەژنا سەرێ سالێ كو دبێژنێ جەژنا سەرێ نیسانێ ب گەلەك شەهیانان ساخ دكەن، هەر چارشەمبەكێ یان ئەینییەكێ ل گوندەكی كەرنەڤالێن خوشی و شاهیێ دهێنە ئەنجامدان، لێ ژ ژێدەرێن نێزیك ل میری و جڤاتا روحانی هاتیە زانین، كو ئەڤ سالە ئەڤ رێورەسمە ناهێنە گێڕان».
