كەسێن سڤكاتیێ ب هونەری و هونەرمەندان دكەن دێ هێنە سزادان
بێوار حەمدی:
ئەڤین حسێن، سەرۆكا سەندیكا هونەرمەندێن كوردستانێ/لقێ دهۆك، د دیدارەكێ دا بۆ رۆژناما ئەڤرۆ گۆت: مە ل سەندیكایێ سێ جۆرێن ئەندامان هەنە، ئەوژی (كار، هاوكار، شاناز) ل سنۆرێ پارێزگەها دهۆكێ مە (1013) ئەندامێن كارا هەنە، ل دووف وان مەرجێن سەندیكایێ كو هەر كەسەكێ ببیتە ئەندام و خودان بەهرەیەك بیت پێدڤیە ب كێمی هەشت كارێن هونەری هەبن، بەلێ هەكە دەرچویێ پەیمانگەها هونەرێن جوان بیت ئێكسەر پشتی دەرچۆنێ ئێكسەر وەك ئەندامێن هاوكاردهێنە وەرگرتن و پشتی دو سالان هەكە مەرج ژێ بگرن دێ بیتە كارا و هەكە قوتابیێ كولیژا هونەرێن جوان بیت ل قوناغا سێیێ ئێكسەر دبیتە ئەنداما كارا.
هەروەسا گۆت: ب هەڤكاری ل گەل پارێزەرێ سەندیكایێ ئەم یێ ل سەر هندێ كاردكەین كو هەر كەسەكێ سڤكاتیێ ب هونەری و هونەرمەندان بكەن ل دووف مادێ (19) ژ یاسایا نەتەوێن ئێكگرتی ئازادیا رادەربڕنێ هەی، بەلێ دبەندێ سێێ دا مەرج بۆ ڤێ ئازادیێ هاتینە دانان بهێنە سزادان، لەورا بۆ ڤێ چەندێ دێ دبەردەوامبین.
