كەسێ دبیتە پێشكێشكار پێدڤیە حەزا كاری هەبیت
سندس سالح سلێڤانەیی:
مەدیاكار(شۆڕەش سەلاح) د دیدارەكێ دا بۆ رۆژنامەیا ئەڤرۆ گۆت: ل دەستپێكێ من حەزژ كارێ كۆمێنتاریێ دكر، لەورا ل رادیۆیێ من ئەو كاركر، پاشی بۆمە پێشكێشكار و پەیامنێر و چەندین دەزگەهان من كاركریە و نوكە وەك پێشكێشكار ل كەنالێ دهۆك سپۆرت كاردكەم و حۆشحالم ب كارێ خوە.
هەروەسا گۆت: ل دەستپێكا هەر كارەكی مرۆڤ دێ هندەك زەحمەتێ بینیت، لەورا پێدڤیە خوە رابگریت و هندەك قۆربانیێ بۆ بدەت و هێدی هێدی چو ئاریشە نامینن و هەر كارەكێ من بۆ راگەهاندنێ كری ل دەف من یێ بهێز بوو، ئەز یێ ژێ رازی بوویمە، بۆ پاشەرۆژێ ژی هیڤیا من ئەوە ئەم كارێن باشتر بكەین و هەردەم ئەز دبێژم ئەو كەسێ دبیتە پێشكێشكار پێدڤیە حەزا وی كاری هەبیت، هەروەسا بەردەوام كار بكەت ژ بۆ هندێ دا بەردەوام پێزانێن باشتر هەبن و خوە ئاڤا بكەت.
