كەسێ نە ئەكادیمی بیت نەشێت هەموو وێنەیان چێكەت
بێوار حەمدی:
شێوەكار (جومعە عەلی) د دیدارەكێ دا بۆ رۆژنامەیا ئەڤرۆ دیاركر كو ئەو دەرچۆیێ پشكا شێوەكاری یە، ل زانكۆیا دهۆك و ئەڤە (13) سالن كارێ شێوەكاری دكەت و ب گۆتنا وی هندی دژیانێ دا ما بیت دێ یێ بەردەوام بیت.
ناڤهاتی، گۆت: ب دیتنا من ئەو كەسێ نە ئەكادیمی بیت نەشێت هەموو وێنەیان چێكەت، یان ببیتە هونەرمەندەكێ خودان شیان، بۆ زانین ئەز پتر وێنەیێن مرۆڤان چێدكەم و بۆ وان دهنێرم، هەروەسا من جهەكێ تایبەت ب كارێ خوە ڤە یێ هەی و گەلەك جاران وێنەیان ل سەر دێمێ زارۆكان چێدكەم و ب دیتنا من هەر كەڤالەكێ شێوەكار بۆ پێشانگەهەكا نێڤدەولەتی چێكەت، مەرجە ئەو كەڤال یێ سەرنجڕاكێش بیت و خەلك ب ساناهی تێ بگەهیت و هەموو شێوەكاران ئەو شیان نینن ژبلی وێنەیان كارێ پەیكەران و دیزاینێ ژی بكەت، ژبەركو پتریا شێوەكاران ل دووف تایبەتمەندی و حەزا خوە كاردكەن و كارێ من ژی ب ڕەنگێن زەیتی نە و بتنێ دوی چارچۆڤەی دا كاردكەم.
