كەسەكێ بیانی ب تاوانا جینۆسایدا دژی ئێزدیان هاتە سزادان
دهۆك، لەزگین جۆقی:
سازییا نێڤدەولەتی یا ئێزدیان بۆ دانپێدانێ ب جینۆسایدێ راگەهاند، دادگەها تاوانێن بەلجیكا كەسەكێ ڕەگەز مەغربی ب تاوانا جینۆسایدا دژی ئێزدیان سزادا.
حەسۆ هورمی، بەرپرسێ سازییا نێڤدەولەتی یا ئێزدیان بۆ دانپێدانێ ب تاوانێن جینۆسایدێ بۆ ئەڤرۆ گۆت: «كەسەكێ مەغربی تاوانێن ل دژی مرۆڤایەتیێ ل دژی جڤاكێ ئێزدی ئەنجامدا بوون، نوكە ئەو كەس ل بەلجیكا هاتە سزادان، ئەم داخوازێ دكەین هەر كەسەكێ دەست د تاوانێن جینۆسایدێ دا هەبیت بهێتە سزادان».
گۆتژی: «سزادانا تاوانباران پێنگاڤەكا گرنگە بۆ ب دەستڤەئینانا دادپەروەریێ بۆ تاوانێن ل دژی ئێزدیان هاتینە كرن، ب تایبەت ژ لایێ تیرۆرستێن داعشێ ڤە ل سالا 2014ێ ل شنگالێ«.
