كەنالێ DW یێ ئەلمانی دێ پشكا كوردی ڤەكەت
زنار تۆڤی:
كەنالێ (DW) یێ ئەلمانی ل سەر داخوازا جڤاكێ كوردی ل وەلاتێ ئەلمانیا، رەزامەندی نیشاندایە ل سەر ڤەكرنا پشكا زمانێ كوردی ل وی دەزگەهێ راگەهاندنێ.
عەلی ئەرتان، سەرۆكێ جڤاتا كوردی ل وەلاتێ ئەلمانیا، بۆ ئەڤرۆ دیار كر: پشتی چەندین بزاڤان ل گەل بەرپرسێن كەنالێ DW بریار هاتە دان پشكا زمانێ كوردی ل وی دەزگەهی ڤەكەن، ل دەمەكێ نێزیك دا ئەو كەنالە رۆژانە ل رادیۆ و تەلەڤزیۆن و تۆرێن جڤاكی ب زمانێ كوردی دێ پەخشێ خۆ دەستپێكەت.
ناڤهاتی گۆت ژی: ئەم وەكو رەڤەندا كوردستانی ل وەلاتێ ئەلمانیا ل گەل رێڤەبەریا وی كەنالی كۆمبووینە و ئەوان ژی رەزامەندی نیشادایە كو پشكا كوردی ل دەزگەهێ خۆ زێدە بكەن، بەلێ هەتا نوكە ئاشكرا نەبوویە كو پەخشێ كوردی ل وی كەنالی دێ ب چ شیوەزارێ كوردی بیت و دێ چاوا و كەنگی بیت، بەلێ ل نێزیك دێ پەخشێ وی دەستپێكەت.
