كەڤالان ب شێوازێ كلاسیك چێدكەت
عەزیز هەورامی:
شێوەكارا گەنج (هەسنك محەمەد) د دیدارەكێ دا بۆ رۆژنامەیا ئەڤرۆ دیاركر كو ئەڤە دوسالن ب دروستی ئەو كارێ هونەری دكەت، ب تایبەت چێكرنا كەڤالان، لێ حەزژێكرنا وێ بۆ كارێ هونەری بۆ بەری چەندین سالان دزڤڕیت و پشكا هونەری ل كولیژا بنەرەت ب دووماهی ئینایە.
ناڤهاتیێ گۆت: من ل كولیژێ گەلەك مفا وەرگرت و فێربووم كا چاوا ب شێوەیەكێ ئەكادیمی دێ كەڤالەكی چێكەم و نوكە ئەز دو جۆرێن كەڤالان چێدكەم، یا ئێكێ ئەز هزرێن خوە داڕێژمە سەر كەڤالی و بۆ خوە چێدكەم، جۆرێ دویێ ژی هندەك جاران ئەز ل دووف داخوازیان كەڤالان چێدكەم، ئانكو زێدەتر وێنەیێن كەسان چێدكەم، بۆ زانین ئەز ب شێوازێ كلاسیك كەڤالان چێدكەم و پاپەندی تەكنیكان نینم و ئەز یا شیایم ب رێیا كەڤالان هندەك داهاتی بۆ خوە ب دەستڤە بینم.
