كەڤالێن خوە ب رێكا سۆشیالێ دفرۆشیت
موسا خالد:
شێوەكار (فاتیما موستەفا) كچەكا پارێزگەها دهۆكێ یە، دیدارەكێ دا بۆ رۆژناما ئەڤرۆ گۆت: ئەز نوكە قوتابیا زانكۆیا دهۆك/ پشكا شێوەكاری ل قوناغا چارێ مە و نوكە مژوولی چێكرنا پرۆژەیێ خوە یێ دەرچونێ مە.
هەروەسا گۆت: د ژیەكێ بچووكدا من حەزا وێنە كێشانێ هەبوو كار ل سەركریە و من ب حەزا خوە ئەڤ پشكە هەلبژارت و د قوناغێن خواندێ دا بۆ من شارەزای باشتر چێ بوو كو گەلەك جۆرێن وێنەیان و رەنگان بزانم، ئەز كەڤالێن خوە ب رێكا سۆشیالێ ژی بەرچاڤ دكەم و د فرۆشم، بەردەوام ئەز هزر د زەحمەت و چێكرنا وێنەی دا دكەم من دڤێت دوپات بكەم كو چێكرنا وێنەیان شارەزای و زەحمەت پێ دڤێت، كارێ من د هەموو سالێن خواندنێ دا و فیستەڤالان هاتینە نیشادان و هەرچەندە چێكرنا وێنەیان بەهرەیا من یا تایبەت بوو، لێ پشتی باوەرناما هونەری و ئەكادمی پتر كارێ خوە بەرفرەهـ بكەم، دێ یا بەردەوام بم ل گەل پێشڤەبرنا بەهرەیا خوە، چونكی من هندەك هزرێن باش هەنە بۆ پشتی دەرچونێ، ئەو ژی ڤەكرنا پێشانگەهێن تایبەت و پشكداری د پێشانگەهێن هەڤپشك دا.
