كەڤالێن شێوەكارەكێ كورد ل وەلاتێ بریتانیا هاتنە نیشادان
زنار تۆڤی:
شێوەكار (حەمە هاشم) د دیدارەكێ دا بۆ رۆژناما ئەڤرۆ گۆت: ب هژمارەكا كەڤالان من پشكداری د پێشانگەهەكێ دا كر ل باژێرێ (لەندەن) پایتەختێ وەلاتێ بریتانیا هاتیە ڤەكرن، كو ب هەڤكاریا كومەلا هونەرمەندێن عیراقی یێن خۆجه ل بریتانیا و ب هەڤپشكی ل گەل گرۆپێ ئاسۆ یێ هونەرمەندێن كورد بوویە، ئەڤ پێشانگەها شێوەكاری ل 10 چریا ئێكێ هاتیە ڤەكرن و هەتا 15 ڤێ هەیڤێ دێ یا بەردەوام بیت، پڕانیا شێوەكارێن پشكدار د وێ پێشانگەهێ دا كورد و عێراقی نە.
ناڤهاتی گۆت: ناڤەرۆكا كەڤالێن من دوێ پێشانگەهێ دا، بەحسێ میتۆلوجیا كەڤن یا كوردان دكر، ب شێوازێ دەربڕینخوازی من ئەو كارە كریە، هەروەسا ل وەلاتێ پۆلۆنیا ژی ب شەش كەڤالان، من پشكداری د پێشانگەهەكا شێوەكاری دا كریە، كو ئەو پێشانگەهە بۆ كۆمەكا شێوەكارێن كورد هاتیە ڤەكرن، دیسان ل رۆژا سێشەمبیا بهێت 21 ی چریا ئێكێ، ل باژێرێ هەولێرێ ل گەلەرییا میدیا، دێ پێشانگەها خۆ یا تایبەت ب ناڤێ (بیرهاتنێن بەری) ڤەكەم و 40 كەڤالێن شێوەكاری دێ نیشادەم و بۆ دەمێ دەه رۆژان دێ یا بەردەوام بیت.
