كەڤالێن وێ ل فرەنسا هاتینە نیشادان
عەزیز هەورامی:
شێوەكار (دلنیا حسێن) د دیدارەكێ دا بۆ رۆژناما ئەڤرۆ دیاركر كو دژیەكێ بچووكدا وێ حەز ژچێكرنا وێنەیان دكر و پشتی دەستپێكری ل گەل خێزانا تووشی روودانەكێ بوون، بەلێ دەست نە داهێلان و هەتا نوكە یا بەردەوامە.
دلنیایێ گۆت: زێدەباری چێكرنا كەڤالان من كاریكاتۆر و پۆرترێت ژی چێكرینە و كارێ باشنڤیسی و زەخرەفێ ژی دكەم، هەروەسا دیزاینا جلكێن كوردی یێن ژنان ژی دكەم و هەر جۆرەكی خۆشیەكا تایبەت ژێ دبینم، لێ یا گرنگ ل دەف من كەڤالن و بەری دەمەكی هندەك كەڤالێن من ل پێشانگەهەكێ ل وەلاتێ فرەنسا بۆ رێكحراوا نۆژدارێن بێ سنۆر هاتبوونە نیشادان كو ب نوونەراتیا وان نەخۆشان بوون یێن دەمێ پازدە سالان چارەسەری ل نەخۆشخانا (المواسات) وەرگرتین و ئەز كەڤالێن خوە دفرۆشم ژی و بهایێ وان ل دووف جۆر و قەبارێ كەڤالی دمینیت.
