كەڤالێ نهێنیان
مستەفا ئیبراهیم
تیرۆژكێن ڕۆژێ خۆ دناڤ
شاپەڕێن شەڤێ دا بەرزەكرن
تاریا شەڤێ هەمی دەنگ
هەمی ڕەنگ داعویران و پەردەكرن
هەیڤ ب كەنیا خۆ
ستێر ب گەشاتیا خۆ
جوانیا بەهەشتێ دابوو ئەسمانی
دەنگێ هوڕەبای
تێكەل ببوو دگەل
شڕشڕا ئاڤا ڕوبار و كانیان
بەلگێن داران لسەر ئەردی
د وەریان
ئەجنە و ئەهریمەن دناڤ
ڤان بەلگان دا دگەڕیان
دا ژناڤ ببەن ئەڤێ تەناهی و
ئەڤێ بێدەنگیێ
عفریت ژی كەفتنە دویڤ
كرێتكرنا ڤێ جوانیێ
تنێ مرۆڤ دخەو و بێ هۆشبوون
جوانیا شەڤا وان بتنێ خەونێن خۆشبوون.
