كەڤالەكێ من ل ئەمریكا ب (3000) دۆلاران هاتە فرۆتن
بێوار حەمدی:
شێوەكار (كاروان عیسا) د دیدارەكێ دا بۆ رۆژنامەیا ئەڤرۆ گۆت: دەمێ ئەز قوتابی ل قوناغا سەرەتای، حەزا چێكرنا وێنەیان ل دەف من پەیدابوو، لەورا ل مال و ل قوتابخانێ ژی من وێنە بۆ هەڤالێن خوە چێدكرن و هەموو پێكڤە د پشتەڤان بوون، لەورا من بەردەوامی پێ دا و هیڤیا من ئەوە ل دووف شیانێن خوە بشێم خزمەتا هونەرێ كوردی، ب تایبەت ژی تایێ شێوەكاری بكەم.
هەروەسا گۆت: ل دەستپێكا كارێ خوە من هەموو جۆرێن وێنەیان چێدكرن، لێ نوكە بەس وێنەیێن (تەجریدی) چێدكەم، لێ پشتی خواندنا كولیژێ من خوە فێری گرافیك دیزاینێ ژی كریە، هەر چەندە نێزیكی كارێ شێوەكاری یە، بەلێ جیهانەكا دی یا جوانە، بۆ زانین هەتا نوكە من دو پێشانگەهێن تایبەت ڤەكرینە، هەروەسا پشكداری د هژمارەكا پێشانگەهێن هەڤپشكدا كریە و كەڤالەكێ من ل وەلاتێ ئەمریكا ب (3000) دۆلاران هاتە فرۆتن.
