كەیسا نیگریرا بۆمبەكا ب ترسە ل سەر بەرشەلۆنا
یانەیا بەرشەلۆنا یا ئسپانی دێ بەرانبەر دادگەها ڤەكۆلین دادوەرێ وەرزشی راوەستیت ژبەر ئەوان تۆمەتێن بەرتیلكرن و گەندەلییا بناڤێ دانا پارەیی بۆ چەند دادڤانان یا ناسیار ب دوسەیا نیگریرا كو دهێتە هژمارتن مەزنترین كەیس ل دیرۆكا تەپا پێی یا ئسپانیا.
دوسەیا نیگریرا تایبەتە ب وەرگرتنا پارەكێ مەزن ژ یانەیا بەرشەلۆنا بۆ هەردو كۆمپانیێن گرێدایی ب جۆزێ ماریا ئەنریكیز نیگریرا جێگرێ بەرێ یێ لژنەیا دادڤانێن خولا ئسپانیا ئەوێ كارێ وی دەستنیشانكرنا دادڤانان بۆ یاریێن خول و كۆپا ئسپانیا بوو.
ل دووڤ سكالایا داواكارێ گشتی كو بەلگە هەنە یانەیا بەرشەلۆنا ب رێكەفتنەكا نهێنی دگەل نیگریرا هەبوویە د ماوەیێ 2001 هەتا 2018ێ یانەیا كاتەلۆنی حەفت ملیۆن و سێ سەد هزار دۆلار داینە كۆمپانییا نیگریرا، ب بوهانا راوێژكاریكرنێ ب ئاست و شیانێن دادڤانێن خولا ئسپانیا و بەرتیلكرنێ، رۆژنامەیا ئیل بایس دیاركر كۆمپانییا نیگریرا بەردەوام و ب نهێنی پێزانین هەر دادڤانەكی بۆ یانەیا بەرشەلۆنا د هنارت د دەمێ یاریێن وێ د خولێ دا و دیسان بۆ دانانا دادڤانێن دەستنیشانكری.
د بەرانبەر دا خوان لاپۆرتا سەرۆكێ یانەیا بەرشەلۆنا ئەڤ تومەتباركرنە ب نەوەیی دەرئێخست و دیاركر چو پارەك نە دایە ئەوان كۆمپانیان و رێز ل سەربەخوەیا كارێ دادڤانان كرییە، هەرچەندە ل دووڤ یاسایێ چو بەلگەیێن نڤێسینێ نە هاتینە دیتن كو بەرشەلۆنا كۆمپانییا ناڤهاتی بەرتیلكرییە، بڕیارە ل مەها بهێت ئەڤ كەیسە بەر ب دادگەها گشتی بچیت، هەردەمێ سكالا جهێ خوە گرت دێ بەرشەلۆنا ب گرانی هێتە سزادان ژ وانان، پاشڤەچوونا وێ بۆ پلا دو، دیسان ژێبرنا هەمی خالێن وێ د وەرزێ ئەڤ سالەدا و كێشانا هەمی ناسناڤێن وێ ژ 2009 هەتا 2018ێ، لێ بڕیارا دێ چاڤەڕێ بڕیارا دووماهیێ بیت.
