لاوێن ئاكرێ هەڤڕكن بۆ ناسناڤێ كوردستانێ
رەمەزان زەكەریا
د داخویانیەكێ دا بەرپرسێ ڕاگەهاندنا یانەیا ئاكرێ یا وەرزشی ئاشكراكر تیما لاوێن یانەیا ئاكرێ ئەڤە بۆ ماوەیێ دو سالانە پشكدارە د خولا پلا نایابا لاوێن كوردستانێ دا، بۆ وەرزێ ئەڤ سالە هەموو بەرهەڤی هاتینە كرن بۆ وێ چەندێ ب كێمیڤە بگەهینە چارگوشا زێرین دا كو بشێین ڕكابەریێ ل سەر ناسناڤی بكەین.
زێدەتر سوهەیب عەلی بۆ رۆژناما ئەڤرۆ گۆت: ب هیڤیینە ب هیمەتا دەستەیا ڕاهێنەران ئەنجامێن باش دێ هەبن ل وەرزێ ئەڤ سالە هەموو فۆكسا مە دێ ل سەر ب دەستڤەئینانا ناسناڤێ خولێ بیت، لەوما ژی كارەكێ باش دهێتە كرن و هەموو پێنگاڤ دهێنە كرن كو تیمەكا ڕیكخستی بیت ژلایێ هونەری و تەكیتیكی و دەرۆنی یا بەرهەڤبیت.
ناڤبری گۆتژی : هەتا نوكە چ ئاستەنگەك نینە و هەتا دووماهیا خولا لاوان نابن ژی، لێ وەكو دیار ڕەنگە ل دو هەیڤێن بهێن هەلبژاردنێن هەموو یانەیان بهێنە ئەنجام دان، ئەڤجا دێ چ گوڕانكاری دێ هەبن ل دەستەیا هێشتا دیارنینە، د نوكە دا بۆ مە گرنگە ئەم ب كوڕێن باژێرێ خوە باشترین بەرهەڤی بكەین و بۆ ناسناڤی گەشبین بین و هەروەسان نڤشەكێ نوو بۆ تیمێن پێشكەڤتییان بهێنە پێكئینان.
