لاوێن پیرس زەنگلا ترسێ بۆ هەڤڕكێن خوە لێدا
پشتی ڤەقەتیانەكا درێژ تیما تەپا پیێ یا یانەیا پیرس د ئێكەم پشكداریا خوە د خولا كوردستانێ دا شیا سەركەفتنەكا مەزن ل سەر مێڤانا خوە تیما لاوێن یانەیا رەواندۆز ب چار گۆلێن پاقژ بینت و زەنگلا ترسێ لێبدەت، د یارییا واندا ئەوا ل ئەینیا بۆری ژ چارچووڤێ دەستپێكا هەڤڕكیێن كۆما ئێكێ ل یاریگەها پیرس هاتییە كرن، گۆلێن پیرس ژلایێ یاریزانان سەلام دلۆڤان دو گۆل، هەر ئێك ژ ژیار ئیبراهیم و دانیال حەسەن گۆلەك تۆماركر، د هەمان كۆم دا یانەیا هندرین و خاك ب گۆلەكێ وەكهەڤبوون، یانەیا پێشمەرگەیا هەولێر یا چاڤەڕێ بوو.
ژ ئەنجامێن یاریێن دی، كۆما دویێ ئارارات 5- چنە لاوێن شنگال، شۆرجە 7- چنە كۆیە، تیما بەردەرەش یا چاڤەڕێ بوو، كۆما سێیێ، سیروانی نوو 6-چنە شێروانە، خەلاتی پێنجۆین 2-2 سیرۆانی هەلبجە، یانەیا قەرەداغ چاڤەڕێ بوو، كۆما چارێ: دەربەندیخان 2-1 بازیان، هەلبجەیا شەهید 1-4 ئاشتی، پێشمەرگەیا سلێمانی 2- چنە قلادز.
بۆ زانین 21 تیمێن یانەیان هاتینە بەلاڤكرن ل سەر چار كۆما و یاریێن وان ب شێوەیێ خول ئێك قۆناغ بۆ هەر پێنج رۆژان گەڕەك دهێتە كرن، سەركەفتیێن ئێكێ و دویێ یێن هەر كۆمەكێ دێ دەربازبنە قۆناغا دویێ، یانەیێن پیرس، بەردەرەش و لاوێن شنگال نوونەرێن پارێزگەها دهۆكێ د خولا لاوان دا پشكدارن.
