لاڤرۆڤی ل دۆر کوردان هۆشداری دا ئەمریکا
ئەڤرۆ نیۆز:
وەزیرێ دەرڤە یێ روسیا سیرگێی لاڤرۆڤ راگەهاند کو ئەمریکا ل سووریێ کوردان بۆ بەرژەوەندیێن خوە و ل دژی مە بکار دئینیت و ئەو یەک ژی بنپێکرنا قانوونێن نێڤدەولەتی یە و گۆت: (هەرچەندە ئەمریکا دبێژیت مە چو بەرنامە بۆ هندێ نینن کو کیانەکێ کوردی ل سووریێ ئاڤا کەین لێ خەباتا ئەمریکا و هێزێن کوردی بەر ب ڤێ یەکێ ڤە دچیت و ئەو یەک ژی مەترسیەکا مەزنە بۆ پاشەرۆژا سووریێ و ئێکەتیا ئاخا وی وەلاتی).
وەزیرێ دەرڤە یێ روسیا ئەو یەک ژی دیار کر کو دڤێت ئەمریکا رێزێ ل ئیرادا گەلێ سووریێ بگریت و کار بۆ پارچەکرنا ئاخا سووریێ نەکەت، مخابن نها ئەمریکا کوردان بۆ پارچەکرنا ئاخا سووریێ بکار دئینیت و رۆژانە چەکان ددەتە هێزێن کوردی و گۆت: (ئەم بەرهەڤین ل گەل ئەمریکا هەموو پرسێن سووریێ ب دانوستاندنان چارە بکەین، لێ بەری هەر تشتەکێ دڤێت ئەمریکا ئێدی دەستێوەردانێ د کاروبارێ ناڤخوەیی یێ سووریێ دا نەکەت).
