لایف-مۆزیكان ل هەر جهەكی ناگێڕم
سولین سلێمان:
سترانبێژ(لالی كامكار) كوخەلكا باژێرێ ئۆرمیێ یە ل رۆژهەلاتێ كوردستانێ، د دیدارەكێ دا بۆ رۆژنامەیا ئەڤرۆ گۆت: ئەڤە پتری یازدە سالانە ئەز ل هەرێما كوردستانێ دژیم و هەتا نوكە من دەهـ كلیپ بەلاڤكرینە و زێدەتر دچمە ئاهەنگ و لایڤ مۆزیكان و خۆشحالم كو ل ڤێرە ئەو دەلیڤە یا هەی شیانێن خوە دبۆارێ سترانگۆتنێ دا پتر بەر ب پێشڤەببەم و هەموویێ ژی بێخمە د خزمەتا ستران و مۆزیكا كوردی دا.
هەروەسا گۆت: ئەز گەلەك ب دەنگێ هونەرمەند(زیاد ئەسعەد) مەندەهۆشم، چنكو سترانێن وی هەستێن گەلەك جوان دناڤدا هەنە، هەروەسا گەلەك دخۆش و ب تامن، بۆ زانین ئەز گەلەك دچمە ئاهەنگ و لایڤ مۆزیكان، بەس نە ل هەموو جهان، بەلكو بتنێ ل وان جهان یێن رێزێ ل من و هونەرێ من دگرن، لێ ب شێوەیەكێ گشتی خەلكێ كوردستانێ هونەر دوستن و رێزێ ل من و هونەرێ من دگرن.
