لایه‌نێن شیعی نه ل گه‌ل كۆمبوونا به‌رهه‌م سالح و ترامپی نه
ئه‌ڤرۆنیۆز، سالار دۆسكی:
ئه‌ندامه‌كێ په‌رله‌مانێ عیراقێ ژ فراكسوونا پارتی دیموكراتی كوردستان ئاشكراكر كو هنده‌ك ئالیێن شیعی نه ل گه‌ل وێ چه‌ندێ نه د.به‌رهه‌م سالح ل گه‌ل ترامپی كومبیت و هه‌تا نوكه دیار نه‌بوویه كا دێ ل گه‌ل كوم بیت یان نه.
بشار كیكی ئه‌ندامێ په‌رله‌مانێ عیراقێ ژ فراكسوونا پارتی دیموكراتی كوردستان ئه‌و ژی بۆ ئه‌ڤرۆنیۆز دیاركر كو هنده‌ك ئالیێن شیعی ناخوازن به‌رهه‌م سالح سه‌رۆك كومارێ عیراقێ ل داڤوس كومبوونێ ل گه‌ل سه‌رۆكێ ئه‌مریكا بكه‌ت و ناخازن چ به‌رپرسێن عیراقێ ئه‌ڤان كاودانان ل گه‌ل سه‌رۆكێ ئه‌مریكا كومبن و ئه‌ڤه بۆچوونا هنده‌ك ئالیێن شیعی یه و كاریگه‌ری ژی هه‌یه و هه‌تا نوكه نه‌یادیاره كا به‌رهه‌م دێ كومبیت یان نه.
بشار كیكی ئه‌و ژی دیار كر كو ئه‌مریكا وه‌لاته‌كێ مه‌زن و گرنگه کو به‌رژوه‌ندیێن كوردستانێ ژی دخازن كو په‌یوه‌ندیێن باش دناڤبه‌را ئه‌مریكا و عیراقێ دا هه‌بیت و كوردستانێ ژی ل گه‌ل عیراقێ هه‌بیت.
