لایڤ مۆزیكان رەت دكەت
كاوار عسمەت، لێدەرێ ئامیرێ عودێ، د دیدارەكێ دا بۆ رۆژناما ئەڤرۆ گۆت: ژ سالا 2009 هەتا نوكە یێ بەردەوامم ل سەر ژەنینا عودێ، بەلێ بتنێ بۆ خۆشی مۆزیكێ دژەنم و هەكە هەڤالێن من یێن سترانبێژ داخوازێ ژ من بكەن داخوازیا وان بجه دئینم و من پشكداری ل گەل گەلەك سترانبێژان كریە وەكو كلیپ هەردیسان دكورێن شعری دا ل گەل هەلبەستڤانان من پشكداری كریە و بەردەوامم و هەروەسان دچمە لایڤ مۆزیكان ژی و هندەك جاران ژی رەتدكەم ژبەر كارێن خوە یێن تایبەت و راستە داهاتەك پێڤە دهێت، بەلێ حەزدكەم بۆ خۆشی ل گەل هەڤالان ب ژەنم.
كاواری گۆت: مۆزیكێ كەسایەتیەكا دی دایە من و شیایمە ل گەل هەر بارودوخەكی ب گونجینم چێ خۆش و چێ نەخۆش د ژەنینێ دا بتنێ حەزدكەم مۆزیكا ئارام ب ژەنم و حەزژ یا بلەز ناكەم، چونكو بۆ من و گوهداران خۆشترە و دشێم هەتا پێنچ دەمژمێران مۆزیكێ ب ژەنم و نەراوەستم و ژبلی عودێ سازی و جمبش دژەنم و رۆژانە دڤێت مۆزیكێ بژەنم و خۆ ل دەمێ نڤستنێ ژی ئامیرێ من یێ عودێ نێزیكی منە و هەرگاڤەكا من ڤیا دژەنم و مال ژی خۆشێ ژ ژەنینا من دبین ل هەردەمەكێ دژەنم.
