لقێ 20 یێ پارتی ل شێخان بەرنامەیەكێ خێرخوازی بۆ مەها رەمەزانێ راگەهاند
شێخان، بارزان مزووری:
بەرپرسێ لقێ 20ی یێ پارتی ل شێخان بۆ رۆژناما ئەڤرۆ دیار كر، ل دووڤ رێنمایێن سەرۆك بارزانی ب پشتەڤانیا فەرماندە مەنسور بارزانی بۆ مەها رەمەزانا پیرۆز بەرنامەیەكێ مەزن ل دەڤەرداریا شێخان راگەهاندیە بۆ هندێ، كو هاریكاریا خەلكێ هەژار و كێم دەرامەت بهێتە كرن.
سالح حەیدەر، بەرپرسێ لقێ 20ی یێ پارتی ل شێخان گۆت: «مە وەكو لقێ 20ی یێ پارتی بەرنامەك دارێژتیە و ژ وان بڕگان ژی 15 نانپێژی و فڕنێن سامۆنا هاتینە دەستنیشانكرن كو بێ بەرانبەر نانێ گەرم بدەنە خەلكێ دەڤەرداریا شێخان، دیسا ل هەموو رۆژێن رەمەزانێ دێ فتارێن بەرفرەه هێنە دروستكرن هەر رۆژ ل دەڤەرەكێ، ل گەل كڕینا جلوبەرگێن جەژنێ بۆ كەسێن هەژار ل گەل ئەنجامدانا چەندین چالاكیێن جوراوجور».
ناڤبری گۆتژی: «هەر نانپێژی و سەمۆنخانەك رۆژانە هزار و 200 نان و سامۆنا بێ بەرانبەر دێ پێشكێشی رۆژیگران كەت، دیسا رۆژانە خوارنا فتارێ دێ هێتە دروستكرن بۆ رۆژیگران و پێكهاتێن ل دەڤەرێ دژین، ژ بەركو ئەو ژی پشكدارن د خوشی و نەخوشیێن دەڤەرا شێخان دا».
