لقێ كۆمپانیەكا جیهانی ل زاخۆ هاتە ڤەكرن
زاخۆ، دلۆڤان هالۆ:
ب چاڤدێریا گۆهدار شێخۆ، سەرپەرشتێ ئیدارەیا سەربخوە یا زاخۆ، لقێ كۆمپانیا چێری یا تڕۆمبێلان ل ئیدارەیا سەربخوە یا زاخۆ هاتە ڤەكرن.
گۆهدار شێخۆ، د پەیڤەكێ دا دیار كر كو ڤەكرنا لقێن كۆمپانیێن جیهانی ل هەرێما كوردستانێ وێ یەكێ ددەتە دیاركرن، كو هەرێما كوردستانێ جهێ باوەری و بهێز ئێخستنا ئابووریا وی وەلاتییە و گۆت: «ب ڤێ هەلكەفتێ پیرۆزباهیێ ل لقێ كۆمپانیا چێری دكەین، ب هیڤیا وێ چەندێ، كو د بەرژەوەندیا خەلكێ مە یێ هێژا دا بیت».
شێخۆ گوتژی: «حوكمەتا هەرێما كوردستانێ ب سەرۆكاتیا مەسرور بارزانی، دەرگەهێ وەبەرهێنانێ بۆ كۆمپانیێن بیانی ڤەكریە و ئینانا كۆمپانیێن جۆراوجۆر بۆ هەرێما كوردستانێ گرنگی پێ دایە».
