له‌شكرێن يه‌مه‌نى كه‌فتنه بووسه‌كا تيرۆرستێن قاعيده
ئه‌ڤرۆ نيوز، فاتما مزوورى:
ژێده‌رێن ئه‌منى يێن يه‌مه‌نى راگه‌هاند كو د بووسه‌كا چه‌كدارێن قاعيده دا، ل پارێزگه‌ها شه‌بوه، يا باشوورێ رۆژهه‌لاتێ يه‌مه‌نه حه‌فت كه‌س بوونه قوربانى.
ئه‌وى ژێده‌رێ نه‌خواستى ناڤێ خوه ئاشكه‌را بكه‌ت، راگه‌هاند: هێزێن له‌شكرى يێن شه‌بوانيه يا باژێرێ سه‌عيد ل رۆژهه‌لاێ پارێزگه‌ها شه‌بوه يا باشوورێ رۆژهه‌لاتا يه‌مه‌ن كه‌فتنه ناڤ بووسه‌كا چه‌كدارێن رێكخستيا تيرۆرستى يا قاعيده.
ژێده‌رى هه‌روه‌سا ئاماژه ب وێ ئێكي كر كو د ناڤ وێ بووسێ دا دو له‌شكر هاتنه كوشتن و پێنج ژى هاتنه برينداركرن.
چه‌كدارێن تيرۆرستێن قاعيده ل وێ پارێزگه‌هێ ماوه بۆ ماوه‌ى هێرشێن ژ ڤى ره‌نگى ئه‌نجام دده‌ن.
هێزا شه‌بوانيه هێزه‌كا يه‌مه‌نى يه و روونشتڤانێن پارێزگه‌ها شه‌بوه پێكئينايه و ژ لايێ له‌شكرێ ئيمارات ڤه ل له‌شكرگه‌ها حه‌زره‌مه‌وتا رۆژهه‌لات دهێنه مه‌شقكرن.
