له‌شكرێ توركیا رێ نه‌دا وه‌لاتیێن دو گوندێن ده‌ڤه‌را ئامێدیێ بچنه سه‌ر گوندێن خوه
ئامێدیێ، مه‌حمود نهێلی:
پشتی هەژمارەكا خەلكێ گوندێن گوهەرز و بلاڤە بۆ مەرەما ئینانا بەرهەمێ خوە قەستا ناڤ رەزێن خوە ل گوندێ كەڤن كری، 45 ژ وانا ژ لایێ سەربازێن توكیا ڤە هاتنە دەستەسەركرن و پشتی دو دەمژمێران هاتنە ئازاد كرن.
ئەحمەد گوهەرزی، موختارێ گوندێ گوهەرز بۆ رۆژناما ئەڤرۆ دیار كر، پشتی رێك ب وان هاتیەدان بچنە سەر گوندێن خوە، هەژمارەكا خەلكێ هەردو گوندێن گوهەرزێ و بلاڤە ب مەرەما ئینانا بەرهەمێ رەزێن خوە چوونە گوندێن كەڤن، لێ ژ لایێ سەربازێن تورك ڤە 45 كەس ژ گوندێ گوهەرزێ و هەشت كەس ژ گوندێ بلاڤە دەستەسەركرن و پشتی دو دەمژمێران ئازادكرن.
گۆتژی: «جەندرمێن تورك گۆتە وان، بۆ وان كەسێ ئەو ل سەر چوونا خەلكی بۆ گوندێن وان ئاگەهدار نەكرینە و وان زێدەگاڤی ل سەر دەڤەرەكا لەشكری كریە».
دهێتە زانین نوكە وەرزێ چنینا سماقێ و باهیڤایە، ژ بەر وێ یەكێ خەلكێ وان دەڤەران دخوازن بچنە سەر گوندێن خوە، داكو بەرهەمێ وان ژ ناڤ نەچیت و بۆ خوە بینن، لێ نوكە ب تنێ رێك ب خەلكێ 15 گوندێن دەڤەرا بەرێ گارەی دایە بچنە سەر گوندێن خوە.
