لژنا ئابوری یا زاخۆ ئامارا ٢٠١٨ راگەھاند
زاخۆ ، عەلی حاجی:
پشتى لژنەکا ئابوری یا ھەڤپشک ژلایێ قائیمقامی و ئاسایش و ساخلەمیا زاخۆ ڤە ھاتیە پێکئینان پێخەمەت دووڤچونا کەلوپەلێن ناف بازاری دا، ڤێ لژنێ ئامارا خوە یا سالا ٢٠١٨ راگەھاند کو تێدا چەندین جورێن کەرەستەیێن ھشک و روون ھاتینە دەستەسەر کرن و ژناڤبرن.
ل دۆر ڤێ چەندێ رائید غازی مستەفا بەرپرسێ ھوبا ئابوری ل ئاسایشا زاخۆ بۆ ئەڤرو نیوز گۆت : ژ لایێ لژنا مە یا ھەڤپشک ڤە دەست ب سەر ١٥٩٥٨٦ کگم ژ کەرەستەێن ھشک و ٤١٨٠٢٦ کگم ژ کەرەستەێن روون دەستەسەر کرینە .
دیسان ٢٣١٧٠٧ کگم ژ کەرەستەیێن ھشک و ٢٤٣٤٨ کگم ژ کەرەستەیێن روون ھاتینە ژناڤبرن و ٢٦ پاکێتن بویاغا پرچێ و ٣٧٠ دانە ژ دەرمانێن جورا و جور و ٢٨ دانە پێدڤیێن پزیشکی و ٢٧٢ دانە ژ دەرمانێن ژ جورێ (ریلیف) دا گرتینە و پاشی ژناڤ برینە .
ژلایەکێ دی ڤە ناڤبری گۆت: ژ لایێ لژنا مە یا ئابوری ھەڤپشک و سەندیکا دەرمانسازێن زاخۆ ڤە ١٧٣ جە ب کوژمێ ١٩ ملیون و ٤٥٧٠٠٠ دیناران ھاتینە سزادان ژبەر نە پێگیرکرن ب رێنمایێن لژنا مەڤە و ھەر دیسان ژی ٦٧ جھێن جوراو جور ھاتینە داخستن و ل سنورێ دەڤەرا زاخۆ دا و ٤ کەس ژی ھاتینە رەوانە کرن بۆ دادگەھێ.
