لژنا دارایی: داھاتێ ناڤخوە زێدەبوویە و ٢٥ ھەموو ھەیڤان مووچە دێ ھێتە...

لژنا دارایی: داھاتێ ناڤخوە زێدەبوویە و ٢٥ ھەموو ھەیڤان مووچە دێ ھێتە بەلاڤکرن

261

ھەولێر، قائید میرۆ:

وەزیرێ دارایی و ئابووری دوھی دگەل لیژنا دارایی ل پەرلەمانێ کوردستانێ کۆمبوو و ئەندامەکێ لیژنا دارایی ژی دبێژیت: داھاتێ ناڤخوە گەلەک زێدەبوویە و بڕیارە ٢٥ی ھەموو ھەیڤان دەست ب بەلاڤکرنا مووچێ فەرمانبەرێن ھەرێما کوردستانێ بھێتەکرن.

ئەرشەد حسێن، ئەندامێ لیژنا دارایی ل پەرلەمانێ کوردستانێ بۆ رۆژناما ئەڤرۆ دیار کر، بڕیارە ل دووماھیا ئەڤێ ھەیڤێ پڕۆژەقانوونا بودجا گشتی یا ھەرێما کوردستانێ بگەھیتە پەرلەمانی یا کو ژلایێ حوکمەتا ھەرێما کوردستانێ ڤە نوکە دھێتە بەرھەڤکرن و گۆت: “وەزیرێ دارایی ئاشکرا کریە، بڕیارا دووماھیێ ھاتیەدان کو ل ٢٥ی ھەموو ھەیڤان دەست ب بەلاڤکرنا مووچێ فەرمانبەرێن ھەرێما کوردستانێ بھێتەکرن، بەلێ دیار نەکریە دێ رێژا لێبڕینێ بۆ مووچێ ھەیڤانە چەند بیت”.

ئەرشەد حسێن گۆتژی: “ل گورەی زانیاریێن وەزارەتا دارایی ل دۆر داھاتێ ھەرێما کوردستانێ پێشکێشی لیژنا دارایی کرین، داھاتێ ھەرێما کوردستانێ د ئەنجامێن ئەڤان چاکسازیێن ھاتینە کرن گەلەک زێدەبوویە، ئەڤە ژی دێ بیتە ئەگەرەکێ بھێز حوکمەت بشێت ب رێیا کێمکرنا مەزاختیان و زێدەکرنا داھاتی مووچێ فەرمانبەران ھەر ھەیڤ بەلاڤ بکەت و پڕۆژێن پێدڤی ژی بھێنە ئەنجامدان”.

کۆمێنتا تە