لژنهیا سامانێن سروشتی ل دۆر پرسا بهلاڤكرنا گازا سپی دێ كۆم بیت
ههولێر، سولین سلێمان:
بڕیاره د ڤێ حهفتیێ دا لژنهیا سامانێن سروشتی ل پهرلهمانێ كوردستانێ كۆمبوونهكێ ل دۆر پرسا بهلاڤكرنا گازا سپی ژ بۆ وهلاتیان ئهنجام بدهت.
گولیزار سندی، جێگرا سهرۆكێ لژنا وزه و سامانێن سروشتی ل پهرلهمانێ كوردستانێ بۆ رۆژناما ئهڤرۆ گۆت: “ب مهرما كێمكرنا بارگرانیێ ل سهر وهلاتیان، ئهم یێ بزاڤان دكهین د دهمهكێ زوو دا دهست ب بهلاڤكرنا گازا سپی ل سهر وهلاتیان بهێته كرن، ژ بهركو د نوكه دا بهاێی گازا سپی گهلهك گران بوویه و خهلك نهشێت بكڕیت، لهو مه یاداشتهك ژ بۆ حوكمهتێ و لایهنێن پهیوهندیدار بلند كریه، كو گازا سپی ل سهر وهلاتیان بهێته بهلاڤكرن”.
گۆتژی: “جارێ دیار نینه، ئهڤ ساله حوكمهتا ئیراقێ چو پلان بۆ دابینكرنا گازا سپی بۆ كوردستانێ ههیه، ههرچهنده حوكمهتا ئیراقێ گازا سپی ب بهایهكێ گونجای ل سهر وهلاتیێن خوه بهلاڤ دكهت، لێ یا بهرههڤ نینه ب شێوازهكێ بازرگانی ژی بدهته ههرێما كوردستانێ”.
