لژنەیا ئۆلمپییا نێڤدەولەتی: دڤێت گرنگی ب وەرزشا كچان بهێتە دان
د كۆنگرەیەكێ رۆژنامەڤانی دا كرێستی كۆفنتری سەرۆكا لژنەیا ئۆلمپییا نێڤدەولەتی كو ئێكەم كچ ڤی پۆستی وەردگریت گۆت: ل ئادارا بۆری د دەمێ بانگەشەیا هەلبژارتنان دا من سۆز دابوو گرنگیێ ب وەرزشا كچان بدەم و مافێن وان پارێزم هەكە ببمە سەرۆكا لژنەیا ئۆلمپی.
هەروەسان گۆت: ل جیهانێ د هەموو یارییان دا وەرزشڤانێن كچ خودان شیانن و بەلگەژی دەستكەڤت و ناسناڤێن وان لێ گرنگییەكا كێم پێ دهێتە دان ژلایێ وەلاتێن جیهانی، لەوما ژی وەكو كچا وەرزشا و سەرۆكا لژنەیا ئۆلمپی دێ سۆزا خوە بجهئینم، ئێدی گرنگی ب وەرزشڤانێن كچ دڤێت بهێتە دان و مافێ وان بهێتە پاراستن هەروەكو یاریزانێن كوڕ، ئێكەم بڕیارا مەدایە لژنەیەك بهێتە پێكئینان بۆ دووڤچوونا وەرزشا كچان و زێدەتر پشتەڤانی بوو هەبن و دانان خول و قارەمانییان، هەروەسان مافێ وان پاراستی بیت، ئەڤ لژنە دێ بیتە پشكەكا سەرەكی د هەیكەلێ ئۆلمپیێ دا ژبۆ پاراستن و پێشئێخستنا وەرزشا كچان.
